Наши дети на «Зелёной планете» – отличный результат
14:46 / 01.02.2021
Форум ужо шмат гадоў аб’ядноўвае тысячы юных удзельнікаў з розных краін. Арганізатары прапаноўваюць дзецям заявіць аб сабе ў розных відах творчасці: песеннай, харэаграфічнай, выяўленчай, дэкаратыўна-прыкладной, тэатральнай і літаратурнай. І асабліва прыемна, што кожны раз астраўчане становяцца не проста ўдзельнікамі, а пераможцамі форуму.
У мінулым годзе тэматыка работ была накіравана на захаванне памяці аб Другой сусветнай вайне.
Так, у конкурсе малюнкаў, якія адлюстроўваюць гістарычную памяць пра славу ваенных часоў і пасляваенных гадоў пераможцамі сталі Дамініка Бяляўская, Марыя Вагіна, Марыя Дамажырава, Паліна Дзерах, Кацярына і Ксенія Жвікевічы, Аляксандра Клімашэўская, Ульяна Майзік, Таццяна Налівайка, Мілана Аліхвер, Паліна Пазлевіч, Дарына Паляшчук, Арцём Рудзінскі, Дар’я Фаміна, Эвеліна Хараняка, Паліна Мацкевіч, Вікторыя Глаўдзель, Злата Янкойціс і Аляксандра Памецька.
Работа Эвеліны Хараняка
Малюнак Аляксандры Памецька
Малюнак Вікторыі Глаўдзель
Лепшымі ў стварэнні арт-аб’ектаў і кампазіцый на ваенную тэматыку прызнаны творчы тандэм Ягора Берталя і Кіры Жакавай, а таксама Мікалай Куліна, Ксенія Аўганко, Аліна Рогач, Дзіяна Рагавенка, Дзмітрый Сабалеўскі і Лізавета Цыганкова.
Работа Ягора Берталя і Кіры Жакавай
Літаратурны п’едэстал скарыўся Паўлу Мацкевічу. Хлопчык даслаў на конкурс «Прырода і лёсы людзей» аўтарскі роздум па кінастужцы «Бессмяротны гарнізон».
Грамату за вялікі ўклад у фарміраванне экалагічнай культуры дзяцей і падлеткаў, захаванне культурнай спадчыны роднага краю атрымаў і Астравецкі цэнтр творчасці дзяцей і моладзі.
Вольга Герасімовіч, намеснік дырэктара ЦТДіМ:
– Радуе, што таленты нашых дзяцей і працу педагогаў так высока ацэньваюць. Галоўная ўмова конкурсу, акрамя работы ў межах азначанай тэматыкі, выкарыстанне экалагічных матэрыялаў, паказ прыгажосці прыроды, яе натуральнасці – словам, прапаганда зялёных ідэй сярод дзяцей і моладзі. Хацелася б, каб да ўдзелу ў гэтым форуме далучыліся і навучальныя ўстановы нашага раёна, таму для зручнасці жадаючых змясцілі палажэнні аб конкурсах на гэты год на нашым сайце – а пра афармленне заяўкі і адпраўку работ паклапоцімся мы.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
