Рождественский венок Полины Дерех – самый красивый!
Навучэнка Астравецкага цэнтра творчасці дзяцей і моладзі стала прызёрам рэспубліканскай выставы-конкурсу дэкаратыўна-прыкладной творчасці «Лёд. Кветкі. Фантазія».
Паліна Дзерах, выхаванка Аляксандры Мікалаеўны Букель, удзельнічала ў намінацыі «Зімовы настрой», па ўмовах якой дзяўчынка павінна была зрабіць калядны або навагодні вянок з прыроднага матэрыялу. Асновай вянка, які Паліна назвала «Каляднай казкай», сталі драўляныя разеткі, выкладзеныя ў некалькі слаёў і дэкарыраваныя галінкамі, шышкамі вольхі, засушанымі кветкамі і лісцем.
Работа астраўчанкі, перш чым трапіць на заключны этап, прайшла конкурсны адбор у раёне і вобласці – і заняла ІІ месца ў рэспубліцы, а яе аўтар узнагароджана Дыпломам Міністэства адукацыі Рэспублікі Беларусь.
Цяпер калядны вянок нашай зямлячкі разам з іншымі работамі-пераможцамі экспаніруецца на выставе ў Рэспубліканскім цэнтры экалогіі і краязнаўства.