Астраўчане ў ліку пераможцаў абласнога этапу агляду-конкурсу «Прывітанне, свет!»
10:59 / 23.03.2021
У другі раз традыцыйны фестываль песеннага, харэаграфічнага, дэкламатарскага, арыгінальнага жанру, выяўленчага і дэкаратыўна-прыкладнога мастацтваў праходзіць у рэжыме відэафармату – эпідэмія каронавіруса не дазваляе, як раней, сабрацца удзельнікам у адной зале.
Па выніках раённага этапу конкурсу нашы дзеці дэманстравалі таленты ў шасці намінацыях.
ВАКАЛЬНАЯ ТВОРЧАСЦЬ
Выканаўчым майстэрствам сярод салістаў-вакалістаў 14-18 гадоў вызначылася вучаніца СШ №3, стваральніца астравецкага моладзевага гурта NN-band Сафія Юрчанка (педагог В.А. Трубкіна) – яна стала лаўрэатам І ступені.
Другое месца ва ўзроставай катэгорыі 10-13 гадоў заняла альхоўская школьніца, фіналістка абласнога адбору на міжнародны дзіцячы конкурс «Віцебск» Анастасія Ляховіч (педагог Г.У. Уласік).
Анастасія Ляховіч
ТЭАТР МОДЫ
Тут перамогу святкавалі выхаванцы «Школы прыгажосці» Астравецкага ЦТДіМ – яны прадставілі калекцыю Galaxy city, якая ў мінулым годзе прызнана лепшай на раённым фестывалі-конкурсе «Сілуэт». (Кіраўнікі А.І. Чарняўская, А.В. Бандарэнка, Н.В. Янкоўская).
Калекцыя Galaxy city
ХАРЭАГРАФІЧНАЯ ТВОРЧАСЦЬ
Другі год запар лаўрэатам у гэтай намінацыі становіцца танцавальны калектыў «Эўрыка» Астравецкага ЦТДіМ (педагог М.І. Пратасевіч) – сёлета іх запальваючы «Джайв» сярод удзельнікаў 10–13 гадоў заняў 3-е месца.
ТЭАТРАЛЬНАЯ ТВОРЧАСЦЬ
Майстэрствам слова сярод удзельнікаў 14-18 гадоў скарыла журы вучаніца СШ №2 Дар’я Дарашкевіч (кіраўнік Ю.А. Бруйко). За пранікнёна прачытаны філасофскі верш «Пачаць спачатку» аб незваротнасці жыцця дзяўчынка ўзнагароджана Дыпломам 3 ступені.
Дар’я Дарашкевіч
ДЭКАРАТЫЎНА-ПРЫКЛАДНАЯ ТВОРЧАСЦЬ І ВЫЯЎЛЕНЧАЕ МАСТАЦТВА
У гэтых дзвюх намінацыях адзначаны гурткоўцы Астравецкага ЦТДіМ.
Так, саламяная работа «Беларусь – мая Радзіма» Яўгеніі Некарыснавай, Віялеты Шамінай і Паліны Базюк (педагог В.В. Віннічак) заняла 1-е месца.
Работа «Беларусь – мая Радзіма» Яўгеніі Некарыснавай, Віялеты Шамінай і Паліны Базюк
Асенняя павуцінка з тэкстылю, якую зрабіла Паліна Тарашкевіч (педагог Н.В. Рынковіч), адначана Дыпломам 3 ступені.
Малюнку «Рукі ў бокі – пойдзем у скокі» Анісіі Шаблінскай (педагог А.М. Букель) прысуджана 2-е месца.
Гравюра «Купальскай ноччу» Вікторыі Глаўдзель (педагог А.М. Зяленская) заняла 3-е месца.
Віншуем дзяцей і жадаем ім поспеху ў рэспубліканскім этапе конкурсу!
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.