Островецкий вокал - лучший на областном этапе конкурса "Новые имена Беларуси"
Алег Уласік атрымаў Дыплом лаўрэата ў намінацыі “Вакал” на адборачным абласным этапе рэспубліканскага прафсаюзнага конкурсу творчасці працоўных калектываў “Новыя імёны Беларусі-2017”.
Астравецкі раён на прафсаюзным конкурсе прадстаўлялі Алег Уласік і Юрый Інаровіч – яны выканалі песні “Ліцвінка” і “Горад Сочы”. Гледачам выступленне абодвух астраўчан прыйшлося даспадобы і яны ўзнагародзілі іх шчырымі апладысментамі.
Прафесійнае журы таксама не пакінула без увагі нумары нашых спевакоў. Яно адзначыла высокае майстэрства і артыстызм Алега Уласіка – у выніку ён атрымаў Дыплом лаўрэата ў намінацыі “Вакал”.
Відэаматэрыялы выступленняў астраўчан будуць адпраўлены на рэспубліканскі адборачны тур конкурсу – яго пераможца будзе ўдзельнічаць у заключным, фінальным, этапе.
Марына МАЦКЕВІЧ,