У Міхалішках запусцілі праект «Права для ўсіх»
У Міхалішках запусцілі праект «Права для ўсіх», які сумесна рэалізуюць мясцовая бібліятэка, аддзел аховы правапарадку і прафілактыкі Астравецкага РАУС і аддзел адукацыі.
Праграма разлічана на школьнікаў, працоўных людзей і пенсіянераў. У простай і даходлівай форме ім тлумачаць асноўныя нормы заканадаўства. Напрыклад, расказваюць пра адміністрацыйную адказнасць, віртуальную бяспеку. Кожны мае магчымасць задаць пытанне супрацоўнікам праваахоўных органаў па любой галіне права.
– Плануем сустрэчы ў мясцовых бібліятэцы і клубе, школе, сельскім Савеце, КСУП «Міхалішкі», лясніцтве, участковай бальніцы і на альхоўскай кардоннай фабрыцы. Будзем разглядаць адміністрацыйныя і крымінальныя правапарушэнні. Ужо прайшло 5 такіх сустрэч, – расказаў старшы ўчастковы інспектар міліцыі Яўген Арлоўскі.
__________________________________________________________________________________________________________________________
Вольга ЗАЯНЧКОЎСКАЯ, Астравецкая раённая бібліятэка.