Падведзены вынікі конкурсу «Ідзе бычок»
Нагадаю, што работы прымаліся ў намінацыях «Ёлачная цацка» і «Гірлянда» і абавязкова павінны былі ўтрымліваць у сабе сімвал надыходзячага па ўсходнім календары года – быка.
Удзельнікі прадэманстравалі шмат цікавых ідэй і тэхнік іх увасаблення: пап’е-машэ, роспіс, аплікацыя, разьба, вышыўка, батык, лепка, вязанне, выкарыстаўшы для сваіх задумак паперу, кардон, тканіну, фетр, фааміран, вату, ніткі, фанеру, дрэва, шышкі, саломку, семкі, зярняты, бісер, другасную сыравіну… Журы, якое складалася з работнікаў рэдакцыі, цэнтра творчасці і райкама БРСМ, было неверагодна цяжка!
Урэшце вызначана 18 пераможцаў – і не ў 2-х, а ў 3-х намінацыях.
Ёлачныя цацкі
У гэтай намінацыі на перамогу прэтэндаваў 121 удзельнік. Перавагу аддавалі тым цацкам, якія змогуць вытрымаць галінкі ёлкі – некаторыя бычкі былі вельмі «падгадаванымі» і з-за сваёй вагі трапілі ў асобную намінацыю «Падзелка».
Найбольш балаў набралі ажурны ніткавы шар з падсветкай астраўчан Надзеі і Кірыла Шчулепнікавых і бісерная цацка Паліны Урбановіч з Гервят – у іх 1-е месца.
Цацка Надзеі і Кірыла Шчулепнікавых
Цацка Паліны Урбановіч
Фанерны бычок, упрыгожаны кававымі зярнятамі і гарбузовымі семачкамі, астраўчанкі Кацярыны Бандарчук і расфарбаваныя медальёны з салёнага цеста Макара і Маргарыты Волкавых з хутара Барынава занялі 2-е месца.
Цацка Кацярыны Бандарчук
Цацка Макара і Маргарыты Волкавых
Трэцяе падзялілі астраўчане Аліса Кулікова, якая, бачна, з дапамогай бацькоў, распісала акрылам ёлачны шарык, Павел Януль з фетравай мяккай цацкай і ашмянка Дар’я Шпіронак – дзяўчынка зрабіла сімвал 2021 года ў тэхніцы пап'е-машэ.
Цацка Алісы Кулікавай
Цацка Паўла Януля
Цацка Дар'і Шпіронак
У прызёры конкурсу прэтэндавалі цацкі Арыны Мароз, Беаты Кумішчы, Аляксандры Саладухі, сям’і Бернюкевіч, Рамана Палонскага, Аляксея Чуйко, Аляксея Кежуна, Вольгі Доўнар, Вікторыі Аліхвер, Люцыі Мацкевіч, Сафіі Багдзюн, Анастасіі Клепусевіч, Анастасіі Субач, Сафіі Драгун, сям’і Шпургіс, Яна Ляховіча, сям’і Якавец, Максіма Іванова, Паліны Якубцэвіч, Марка Зоркі, Паліны Тарашкевіч, Дар’і Іваніцкай, Дарыка Кручынскага.
Гірлянды
У гэтай намінацыі прадстаўлена 14 работ – дарэчы, у адрозненне ад цацак, аднолькавых ідэй выканання тут не было.
Першае месца занялі астраўчанка Арына Мароз з гірляндай з шарыкаў і фааміранавых цацак, змешчанай у каркасную ёлачку, і Ксенія Мароз з Гудагая, якая дэкарыравала ёлачныя пацеркі мяккімі фетравымі цацкамі.
Гірлянда Арыны Мароз
Гірлянда Ксеніі Мароз
На 2-м месцы фааміранавая фантазія астраўчанкі Кіры Таразевіч і гудагайскі творчы дуэт у складзе Паліны Вянгроўскай і Алесі Паршутовіч – яны зрабілі медальёны ў тэхніцы батык (роспіс па тканіне), якія падсвяцілі агеньчыкамі.
Гірлянда Кіры Таразевіч
Гірлянда Паліны Вянгроўскай і Алесі Паршутовіч
Фааміранавая гірлянда Караліны Заянчкоўскай з Рытані, якая замест Санта Клауса ў сані, запрэжаныя аленьмі, пасадзіла быка, і вязанае ўпрыгожанне з навагоднімі сімваламі Дзмітрыя Высоцкага з Гудагая апынуліся на 3-м месцы.
Гірлянда Караліны Заянчкоўскай
Гірлянда Дзмітрыя Высоцкага
У прызёры прэтэндавалі работы сям’і Баер, сям’і Бучынскіх, Дамінікі Холікавай, Ганны Шушаравай, Ларыяна Янкоўскага, калектыва Альхоўскай школы.
Падзелкі
Такой намінацыі ў конкурсе арганізатары не аб’яўлялі. Аднак работы нам неслі – і мы іх прымалі, так у рэдакцыі з’явіліся ажно 32 падзелкі: падвескі, вяночкі, мяккія цацкі, кампазіцыі. Як было пакінуць па-за ўвагай, а тым больш не ацаніць гэту творчасць – сумленне не дазволіла! У гэтай намінацыі перамогу святкавалі выключна астраўчане.
Больш за ўсіх «лайкаў» журы набрала кампазіцыя ў ажурным шары з нітак Дзяніса Грынкевіча – 1-е месца. Вязаны бычок, які ўпрыгожвае кветкамі вяночак, Эльдара Нехарошых і мяккая цацка сям’і Рамана Іваніцкага занялі 2-е месца. На 3-м – прыгожая парачка Платона Градушы і падзелка Варвары Ігнатовіч.
Падзелка Дзяніса Грынкевіча
Падзелка Эльдара Нехарошых
Падзелка сям’і Рамана Іваніцкага
Падзелка Платона Градушы
Падзелка Варвары Ігнатовіч
У прызёры прэтэндавалі работы Валерыі Дрык, Яўгеніі Некарыснавай, Дзяніса Высоцкага, Уладзіслава Саткевіча і Вікторыі Глаўдзель, Глеба Ражко, сям’і Жукоўскіх, сям’і Масейка, Нестара Млынскага і Мікіты Стаціны.
Вялікі дзякуй усім удзельнікам, за падораную эстэтычную асалоду і святочную атмасферу. Некаторыя цацкі ўпрыгожылі рэдакцыйную ёлку – іх вы можаце ўбачыць, завітаўшы да нас. Пераважная ж большасць работ экспануецца на выставе ў Астравецкім цэнтры творчасці дзяцей і моладзі.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.