Хто падарыў кнігі бібліятэцы
09:32 / 24.02.2020
На гэты раз супрацоўнікі вырашылі падарыць кніжкі выхаванцам карэкцыйнага цэнтра – дзеці заўсёды з радасцю гартаюць бібліятэчныя кнігі, часопісы, любяць разглядаць малюнкі. Госці ахвотна прынялі падарункі, гулялі з цацкамі, глядзелі мультфільмы, танцавалі.
Але дзеці і іх выхавацелі прыйшлі таксама не з пустымі рукамі – прынеслі ў падарунак кнігі. Дзякуй Аляксандры Аўлас, Ніне Козіч і ўсяму калектыву цэнтра.
Такія дабрачынныя акцыі карысныя для ўсіх – і для бібліятэкі, і для чытачоў. І канешне, тым дзецям і дарослым, якія прыносяць і дораць кнігі, далучаючыся тым самым да карыснай справы. Сярод такіх – вучань 3 «В» класа гімназіі №1 Аляксандр Піскароў.
Мы шчыра дзякуем усім, хто дорыць кнігі бібліятэцы не толькі падчас акцый. Нам важна адчуваць вашу дапамогу і ўвагу.
Ганна КЕРЭЛЬ,
бібліятэкар