Чатыры выйгрышныя баі правялі астраўчане на спаборніцтвах юнацкай лігі боксу

Юныя астравецкія баксёры дапамаглі зборнай Гродзенскай вобласці перамагчы каманду з Мінска падчас рэспубліканскіх спаборніцтваў юнацкай лігі боксу.

Сустрэчы на рынгу праходзілі ў Гродне. Цудоўную тэхніку бою і вытрымку прадэманстравалі чацвёра выхаванцаў Астравецкай спецыялізаванай дзіцяча-юнацкай школы алімпійскага рэзерву. Арсень Мялешка, Сямён Сямашка, Кірыл Рагавенка і Максім Лянкевіч правялі выйгрышныя баі, не пакінуўшы сапернікам ніякіх шансаў.