Когда в концерте одни мужчины
Каб умець пастаянна здзіўляць людзей, патрэбна вялікае жаданне і талент. Прыемна, што гэтым рэдкім дарам надзелены работнікі аддзела культуры і вольнага часу пасёлка Гудагай.
Нягледзячы на тое што ў клубе распачаўся капітальны рамонт, яны падрыхтавалі канцэрт для жанчын пасёлка. А самым нечаканым было тое, што ўдзельнікамі імпрэзы сталі адны мужчыны. Сваё выканаўчае майстэрства дэманстравалі клубныя ўдзельнікі мастацкай самадзейнасці і запрошаныя госці: Аляксандр Альховік, Аляксандр Якіменка і самадзейны паэт Эдвард Сяргей, які прыехаў з Ашмян. У ролі вядучых дэбютавалі юныя артысты Аляксей Захараў і Даніла Шэўлякоў.
Прыемным сюрпрызам для сабраўшыхся стаў розыгрыш “Латарэі удачы!”, які праводзіўся па нумарах уваходных білетаў. Шчаслівымі ўладальнікамі прызоў сталі самыя актыўныя глядачкі (на фота).
Фінальную песню зала сустракала стоячы і бурна апладзіравала сапраўдным мужчынам, зарадзіўшым усіх адрэналінам і станоўчымі эмоцыямі!
Іван ПЕТРЫК, фота аўтара.