Каждый человек имеет право на шанс. Главное – не упустить его
15:03 / 29.11.2016
“Не ўпусціце свой шанс” і “Дабравест” – менавіта пад такімі назвамі прайшлі прафілактычныя акцыі ў раённым аддзеле ўнутраных спраў.
Такія мерапрыемствы рэгулярна праводзяцца для людзей, якія маюць судзімасць і з’яўляюцца беспрацоўнымі.
Падчас акцый выступілі суддзя Астравецкага раёна Аляксандр Раткевіч і памочнік пракурора Дзмітрый Багдановіч, якія яшчэ раз нагадалі, што любое парушэнне закону пагражае крыміналь-най адказнасцю. Іх дапоўніла начальнік аддзялення прымусовага выканання Ірына Казойць.
Куды і як можна ўладкавацца на работу ў Астравецкім раёне расказала намеснік начальніка ўпраўлення па працы, занятасці і сацыяльнай абароне Вольга Свіла.
Нарколаг цэнтральнай раённай бальніцы Юлія Часнойць падрабязна ў даступнай форме паведаміла, да якіх сумных наступстваў можа прывесці “сяброўства” з алкаголем, прачытала лекцыю аб шкодным і гібельным уздзеянні алкагалізму на арганізм чалавека.
А благачынны Астравецкага благачыння айцец Георгій Савіцкі звярнуў увагу на тое, што ў нашым імклівым, але хуткаплынным жыцці трэба больш клапаціцца пра духоўныя каштоўнасці.
Кожны чалавек, нават у самай складанай сітуацыі, мае права на шанс. Галоўнае – не ўпусціць яго.
Марына МАЦКЕВІЧ.