Малітвай, глытком святой вады, акунаннем у іардань і юшкай ад выратавальнікаў адзначылі Вадохрышча астраўчане
12:00 / 22.01.2024
Цуд, які паўтараецца штогод – і ад таго не перастае быць менш цудоўным: асвячэнне 19 студзеня, на Вадохрышча, вады ва ўсіх крыніцах.
Супольная малітва ў храме…
Асвячэнне святаром вады ў шматлітровых ёмістасцях, каб кожны жадаючы мог набраць яе з сабой, прынесці дахаты, ужываць для здароўя цялеснага і духоўнага, асвячаць жыллё.
Акунанне ў іардані самых смелых і адважных – як спроба праверыць уласную сілу духу.
Гарачая юшка ад выратавальнікаў, якія ў гэты дзень (зрэшты, як і заўсёды) адзначаюць прафесійнае свята на баявым пасту…
Хай будзе Божая благадаць са ўсімі намі!
І дадзена нам будзе па малітве нашай…