З песняй па жыцці ідзе Аляксандр Якіменка
14:17 / 08.09.2021
Аляксандр Аркадзьевіч узгадаў, як пачыналася яго сяброўства з музыкай, як мацнела і развівалася ў Астраўцы, куды ён прыехаў маладым спецыялістам – настаўнікам музыкі. Ён стварыў пры Доме піянераў (пазней – Дом творчасці дзяцей і моладзі) уласную студыю «Музычная лесвіца». З яе выйшла многа таленавітых дзетак, а праславіла выдатным выступленнем на рэспубліканскім конкурсе «Мы родам з дзяцінства» абаяльная Насця Кузьміцкая. За дзяўчынку і яе настаўніка радаваўся, без перабольшання, увесь Астравец.
Знаёмства з вядомым беларускім паэтам Міхасём Пазняковым дало штуршок да пачатку сольнай кар’еры. Аляксандру Якіменку вельмі спадабаўся яго верш «Матчына хата». Мелодыя напісалася хутка і была паказана аўтару. Паэт яе ўхваліў і прапанаваў кампазітару самому выконваць гэтую песню. Што і было зроблена на адным з канцэртаў. І зараз у рэпертуары спевака ўжо 16 песень на вершы Міхася Пазнякова. Сярод сааўтараў кампазітара паэты Станіслаў Валодзька, Таіса Трафімава. Уважліва прыглядаецца ён да творчасці паэтаў-землякоў Аляксандра Марозава з Філіпан і Іосіфа-Анатоля Раўдановіча з Астраўца, Эдуарда Сяргея з Ашмян, Івана Цітаўца са Смаргоні. Некаторыя з сумесных твораў прагучалі ў запісе.
Добры плён прынесла дружба з выбітным кампазітарам Ігарам Лучанком. Па словах Аляксандра Аркадзьевіча, гэта былі і вучоба ў карыфея музыкі, і сяброўскія стасункі, і абмен думкамі.
Атмасфера вечарыны склалася надзвычай цёплая і ўтульная. Многія з гасцей, у іх ліку Аляксандр Марозаў, Наталля Літвін – адна з аўтараў слоў «Гімна дубу», намеснік дырэктара раённай бібліятэкі Наталля Ачарэтава, кіраўнік клуба «Актыўнае даўгалецце» Данута Чарнушэвіч. Да шчырых слоў былі дададзены невялікія падарункі на памяць і кветкі.
А завяршальным акордам стала песня «Тварыце, людзі, на зямлі дабро» на словы Міхася Пазнякова – своеасаблівы дэвіз, лейтматыў сапраўднай творчасці.
Подписывайтесь на «Островецкую правду» в телеграм по короткой ссылке https://t.me/ostrovetsby.
И присоединяйтесь к нашему сообществу в viber https://vk.cc/c3yHGs – будьте всегда в курсе свежих новостей из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.