Сняжана Янушэўская, камандзір сельскагаспадарчага студатрада «Страла»: «Працай і добрымі справамі трэба выхоўваць моладзь»
10:30 / 06.07.2021
– Узяцца за гэту справу мне прапанавалі ў райкаме БРСМ. Каб трапіць у студатрад, трэба быць членам БРСМ. Дзяцей набіраю хутка – заўсёды ёсць жадаючыя і капейку зарабіць, і разнастаіць летні адпачынак. Да абеду мы працуем у полі: абразаем каласкі, якія прараслі з мінулагодняга ўраджаю, – каб не дапусціць змяшэння культур. Другую палову дня праводзім у гульнях, конкурсах, забавах – радуе, што выхаванцы прыдумваюць ідэі, як і што зрабіць, многае рыхтуюць самі.
– Студатрады – цікавая і карысная ініцыятыва, такая дзейнасць вучыць арганізоўваць свой час, наладжваць стасункі, урэшце, і гэта галоўнае, – цаніць працу людзей, дзякуючы якім у нас ёсць хлеб на стале, – не сумняваецца камандзір студатрада. – Дарэчы, некаторыя мае выхаванцы хочуць звязаць жыццё з сельскай гаспадаркай.
У школе Сняжана Янушэўская з’яўляецца лідарам валанцёрскага атрада, добраахвотнікі якога часта дапамагаюць састарэлым вяскоўцам – дроў і вады нанасіць, снег расчысціць, у магазін за прадуктамі схадзіць.
Вось так – працай, добрымі ўчынкамі і асабістым прыкладам – моладзь выхоўвае моладзь. Будучыня за такімі.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.