13 – шчаслівая лічба для сям’і Мілешка
14:40 / 21.05.2021
Мы вырашылі звязацца з некаторымі парамі, фотаздымкі якіх з’явіліся 18 гадоў таму на старонках газеты, і распытаць, якія змены адбыліся ў іх жыцці і што патрэбна, каб яно было шчаслівым.
Павел Мілешка і Вольга Сляпіка зарэгістравалі шлюб 13 верасня 2003 года.
– Не ведаю, ці рашылася б цяпер выходзіць замуж 13-га, а тады на дату нават не звярнулі ўвагі, – усміхаецца Вольга. – Хацелі прызначыць вяселле на 6 верасня, але быў заняты рэстаран, а 13-га – свабодны, у гэты дзень рэгістравалі шлюб толькі мы. Ну і добра!
Лічба 13 у іх сям’і асаблівая: яны жылі ў доме №13, 13-га хрысцілі дачушку. Так што ў прыкметы яны не вераць – асабліва ў дрэнныя.
За 18 гадоў у Мілешкаў змянілася многае. Вольга і Павел пазнаёміліся, калі працавалі ў Астравецкім райспажыўтаварыстве. У перапынку паміж нараджэннем дачушак жанчына паспела папрацаваць у бухгалтэрыі аддзела адукацыі, затым ажыццявіла юнацкую мару: адкрыла свой бізнес.
Галава сям’і працяглы час працаваў у «Беларусбанку», цяпер ён намеснік старшыні Астравецкага райвыканкама.
Мілешкі выхоўваюць дваіх дачушак. Паліна сёлета заканчвае гімназію, марыць звязаць жыццё з лічбавымі тэхналогіямі, захапляецца фатаграфіяй, асвоіла гітару. Алена вучыцца ў 6 класе, любіць маляваць.
– У нас самая звычайная, класічная сям’я, – говорыць Вольга. – Я – вясковая, выхаваная ў колішніх традыцыях, лічу, што абавязак жанчыны – сачыць, каб у доме заўсёды было чыста, утульна, дамачадцаў чакаў смачны абед. Мы не ездзім адпачываць за мяжу, але любім вандраваць па Беларусі. У нас вялікая сям’я, і ўсе жывуць непадалёк: мама і сястра – у Падольцах, мой і мужаў браты і яго бацькі – таксама непадалёк, мы часта бачымся, падтрымліваем адзін аднаго.
За 18 гадоў, што Вольга і Павел Мілешкі разам, у іх сям’і не знікла пяшчота, лёгкі гумар, а галоўнае – узаемная павага, давер, каханне і згода. Таго ж ім пажадаем яшчэ на доўгія гады!
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
