Хто стаў лепшым у “Парадзе прафесій”
Журы, у склад якога ўвайшлі работнікі рэдакцыі і прадстаўнікі раённага аб’яднання прафсаюзаў, выбірала 3 здымкі, якія найбольш адпавядалі ўмовам конкурсу.
Так, пераможцам стаў здымак кінолага Арцёма Сазонава, які 6 гадоў служыць на пагранічнай заставе «Астравецкая», і 4 гады – з аўчаркай Флоксі.
Антон Бандарэнка, аўтар здымка:
– Фота зроблена спецыяльна для конкурсу. Мне хацелася паказаць, што работа кінолага – не тое, што многім падаецца: кіналагічны цэнтр і выставы. Гэта і нялёгкая праца на граніцы, на складанай мясцовасці. Арцём са сваім сабакам раз-два на тыдзень абавязкова патрулюе па бураломе і балоцістых мясцінах прыгранічча.
На 2 месцы – фота Вольгі Бабіч, кіраўніка фізічнага выхавання ДЦРД №1 г. Астраўца, з «абсталяваннем» – дзіцячымі баскетбольнымі мячамі.
– Фота зрабіла спецыяльна для ўдзелу ў конкурсе «Парад прафесій». Доўга не думала, якім яно павінна быць, – Вольга і на рабоце, і ў жыцці такая, як на здымку: пазітыўная, лёгкая, творчая і ў той жа час адказная. Хоць і малады спецыяліст, але з усім спраўляецца на «ўра».
3 месца заняў здымак Веранікі Янковіч на камбайне. Ужо 2 сезоны бухгалтар КСУП «Гервяты» падчас гарачай уборачнай кампаніі становіцца памочнікам камбайнера, якім з’яўляецца муж Дзмітрый.
– Здымак зроблены ў 2019 годзе на мехдвары ў канцы працоўнага дня. Нягледзячы на тое што Вераніка добра мне дапамагае падчас уборкі, я таксама стараюся аблегчыць яе працу: для жанчыны быць памочнікам камбайнера – справа не з лёгкіх. Адпрацаваўшы, мы збіраліся дахаты, таму выгляд у Веранікі стомлены, але задаволены. Плануем і далей працаваць разам – для нашай сям’і гэта ўжо традыцыя.
Галасаванне на прыз глядацкіх сімпатый, якое праводзіла газета “Астравецкая праўда”, у прафсаюзным конкурсе “Парад прафесій” завяршылася.
З самага пачатку галасавання з 44-х фота ў лідарах аказаліся здымкі таксіста Алены Вялікай, выхавацеля Дануты Сухарэўскай, медыцынскай сястры Зоі Корзун, музычнага кіраўніка Аксаны Юркевіч, кінолага Арцёма Сазонава і галоўнага агранома Рыгора Яроміна.
Усяго ў галасаванні прыняло ўдзел 1 510 чалавек.
Лепшым, па меркаванні наведвальнікаў, якія маглі пакінуць свой “лайк” за адзін з фотаздымкаў, стала фота Арцёма Сазонава (416 галасоў), які даслаў на конкурс аўтар Антон Бандарэнка.
Чакаем Антона Бандарэнку ў рэдакцыі, каб уручыць абяцаны прыз.
Вынікі галасавання можна паглядзець тутВіншуем пераможцаў!
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
