Чарговыя поспехі юных талентаў
10:19 / 20.04.2021
Раённая газета з радасцю дзеліцца з чытачамі поспехамі землякоў. Мы публікуем вынікі конкурсаў, якія былі падведзены ў гэтым годзе ў перыяд са студзеня па красавік.
Анастасія Адамковіч са сваім педагогам Аксанай Баршэвіч
Таленавітая юная мастачка, вучаніца Вікторыі Варановіч, Яна Свірыдо настолькі прыгожа, арыгінальна і яскрава адлюстравала сваё бачанне чароўнага свету ў фарбах, што журы адзначыла яе Дыпломам лаўрэата ІІ ступені. Дзяўчынку і яе настаўніка запрасілі на ўрачыстую цырымонію ўзнагароджвання, якая адбудзецца ў Францыі.
Міжнародны конкурс-фестываль культуры і мастацтва «Навагодні марафон»
У намінацыі «Акадэмічны вакал» паспяхова выступілі выхаванцы Таццяны Собалевай. Варвара Хромых і Данііл Бруйко адзначаны Дыпломамі лаўрэата ІІ ступені, а Кіра Біратка і Аліса Якубцэвіч – Дыпломамі ІІІ ступені.
Міжнародны конкурс-фестываль «Кубак Еўропы»
У конкурсе, які праходзіў пры інфармацыйнай падтрымцы Міністэрства культуры Расіі, пастаянна ўдзельнічаюць творчыя калектывы і выканаўцы з усіх краін СНД і Еўропы.
Здольнасці ігры на фартэпіяна прадэманстравала вучаніца Вікторыі Ткачук Ангеліна Касюхна – і атрымала Дыплом лаўрэата ІІ ступені.
Таксама адзначыліся на конкурсе юныя мастакі, якія займаюцца ў Дзіяны Ендза, – Анастасія Ёдзік, Сафія Ендза, Валерыя Несцер і Антон Скерла адзначаны Дыпломамі лаўрэата ІІ ступені.
Міжнародная практычная алімпіяда па сальфеджыа «Музычны дыктант»
На выдатна творчую работу выканала вучаніца Варнянскага філіяла Алеся Еўтушэнка (настаўнік Юлія Венціс). Дзяўчынка атрымала Дыплом І ступені.
Міжнародны конкурс-фестываль «Адкрыццё года»
У гэтым творчым спаборніцтве засвяціліся піяністка Ангеліна Касюхна (настаўнік Вікторыя Ткачук) – Дыплом лаўрэата І ступені і вакалісткі Марыя з Веранікай Вайцяхоўскія (настаўнік Ганна Вайцяхоўская) – Дыпломы лаўрэата І і ІІ ступеняў адпаведна.
Міжнародны замежны конкурс-фестываль выканаўчага мастацтва OLYMPIAD OF THE ARTS
Звонкагалосая Вераніка Вайцяхоўская і тут не пакінула раўнадушным журы – і заваявала Дыплом лаўрэата ІІ ступені.
Міжнародны замежны конкурс-фестываль ART SWEDEN FEST
У ліку лепшых аказалася вучаніца Ганны Вайцяхоўскай юная спявачка Марыя Вайцяхоўская, якая адзначана Дыпломам лаўрэата ІІІ ступені.
Міжнародны конкурс мастацтва і творчасці «Калядная зорка»
Другі год астраўчане ўдзельнічалі ў конкурсе і зноў не засталіся без узнагарод. Піяністкі Яўгенія Краўчанка (настаўнік Марына Радкевіч) і Сафія Швец (настаўнік Алена Раткевіч) атрымалі Дыпломы лаўрэата І і ІІ ступеняў адпаведна.
Міжнародны конкурс-фестываль мастацтва «Жар-птушка»
Паказалі сапраўдны майстар-клас віртуознай ігры ўдзельнікі народнага ансамбля народных інструментаў «Скарбніца» са сваім кіраўніком Надзеяй Шарэйка – і сталі лаўрэатамі І ступені.
Сярод піяністак Дыпломы лаўрэата І ступені атрымалі Ксенія Змітровіч (настаўнік Алена Раткевіч), Ксенія Кусойць (настаўнік Таццяна Ярмак) і Анастасія Габрукевіч (настаўнік Юлія Іватовіч), Дыпломы ІІ ступені – Наталля Камароўская (настаўнік Таццяна Падгайская), Ангеліна Касюхна (настаўнік Вікторыя Ткачук) і Анісія Шаблінская (настаўнік Юлія Іватовіч).
Адзначыліся і спявачкі, якія дэманстравалі акадэмічны вакал. Валерыя Дарашкевіч (настаўнік Ірына Бордак), Анастасія Адамковіч (настаўнік Аксана Баршэвіч) сталі ўладальніцамі Дыпломаў лаўрэата ІІ ступені, а Нэлі Падгайская (настаўнік Аксана Баршэвіч) і Маргарыта Гіль (настаўнік Данута Блашкевіч) – Дыпломаў ІІІ ступені.
Міжнародны дыстанцыйны конкурс мастацтва «Музычныя карункі»
Дар’я Базюк з Гервяцкага філіяла, якая займаецца ў Алены Субач, артыстычна выканала народную песню – і атрымала Дыплом лаўрэата ІІІ ступені.
Міжнародны фестываль мастацтва Musical star of Slovenia
І ў Славеніі годна адзначылі талент нашых інструменталістаў і танцораў. Вучаніца Марыны Радкевіч піяністка Яўгенія Краўчанка заваявала Дыплом лаўрэата ІІ ступені, а выхаванка Алены Раткевіч Ксенія Змітровіч – Дыплом ІІІ ступені. Ангеліна Касюхна, якая займаецца ў Вікторыі Ткачук, атрымала Дыплом І ступені.
Добра выступілі і задорныя «Іскрынкі» з Кямелішкаўскага філіяла. Гэты харэаграфічны калектыў, кіраўніком якога з’яўляецца Таццяна Смірнова, адзначаны Дыпломам ІІ ступені.
Міжнародны конкурс жывапісу і графікі для дзяцей «Свет вакол нас»
Ярка і запамінальна прадэманстравала на аркушы бачанне свету вучаніца Дзіяны Ендза Валерыя Несцер – і была адзначана сертыфікатам у намінацыі «Майстар настрою».
Міжнародны шматжанравы конкурс мастацтва «Зімняя хваля»
На гэтым творчым спаборніцтве добрыя вынікі прадэманстравалі юныя мастакі Анастасія Ёдзік і Сафія Ендза (настаўнік Дзіяна Ендза) – яны ўзнагароджаны Дыпломам лаўрэата і Дыпломам І ступені адпаведна.
Не адсталі ад іх і піяністкі Яўгенія Краўчанка (настаўнік Марына Радкевіч) і Васіліна Васіленка (настаўнік Алена Раткевіч) – дзяўчынкі адзначаны Дыпломам лаўрэата і Дыпломам ІІ ступені адпаведна.
Міжнародны конкурс-фестываль «Надзеі Еўропы»
Прыгожым акадэмічным вакалам і манерай выканання ўразілі журы вучаніцы Ірыны Бордак і Таццяны Собалевай Валерыя Дарашкевіч і Кацярына Бандарчук – дзяўчынкі заваявалі Дыпломы лаўрэата І і ІІ ступені адпаведна.
Дыпломы лаўрэата ІІ ступені атрымалі цымбалісты Эдвард Стурліс і Анастасія Гульбіцкая, якія займаюцца ў Алены Капыловай і Людмілы Столяр адпаведна, а таксама вучань Аксаны Сяўко – гітарыст Ягор Лупякоў.
Не засталіся без узнагарод і выхаванцы Дзіяны Ендза: Ягор Вішнеўскі, Сафія Ендза, Анастасія Ёдзік адзначаны Дыпломамі лаўрэата І степені, а Ксенія Мароз – ІІ ступені.
Міжнародны гранд-конкурс «Талент года»
У народных спевах не было роўных Раману Віткевічу (настаўнік Святлана Шаблінская).
Высокую адзнаку атрымалі і работы пачынаючых мастакоў. Аліна Сцяшанава (настаўнік Валянціна Субаткевіч) і Валерыя Несцер (настаўнік Дзіяна Ендза) адзначаны Дыпломамі лаўрэата ІІ ступені, а Яна Свірыдо (настаўнік Вікторыя Варановіч) – Дыпломам ІІ ступені.
Міжнародны дыстанцыйны конкурс «Зімовыя забавы»
Выхаванец Святланы Шаблінскай Раман Віткевіч бліскуча прадэманстраваў вакал і артыстызм – і стаў уладальнікам Дыплома лаўрэата І ступені.
Міжнародная алімпіяда па сальфеджыа «Дамінанта»
Не першы год выдатныя вынікі на алімпіядзе дэманструюць выхаванцы Дануты Блашкевіч. Сёлета пераможцамі сталі Данііл Бруйко, Ганна Дзятко, Сафія Швец, Ангеліна Касюхна і Анастасія Глухоўская.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
