Лепшых рыбакоў вызначалі лесаводы на беразе Янаўскага вадасховішча
На мінулым тыдні на Янаўскім вадасховішчы сабраліся аматары рыбалкі – Астравецкі доследны лясгас пры падтрымцы сваёй прафсаюзнай арганізацыі правёў спаборніцтвы па зімняй спартыўнай лоўлі рыбы сярод работнікаў.
Да ўдзелу ў рыбным паядынку запрашалі каманды ў складзе 3-х чалавек, у тым ліку і пенсіянеры, ад усіх структурных падраздзяленняў лясгаса. Напрыклад, ад Міхалішкаўскага лясніцтва выступала ажно 3 брыгады. Вынікі спаборніцтва падводзілі ў камандным і ў асабістым заліках.
Цягам 3,5 гадзін цягнулі «за хвост» удачу 7 каманд – больш за 20 чалавек.
Па вазе вылаўленай рыбы 1-е і 2-е агульнакамандныя месцы занялі прадстаўнікі Міхалішкаўскага лясніцтва, на 3-м апынулася Варнянскае лясніцтва.
У асабістым заліку больш за ўсіх рыбы вывудзіў вальшчык лесу Міхалішкаўскага лясніцтва Юрый Часнойць (3,3 кілаграма). Крыху саступіў яму з вынікам у 2,4 кілаграма рыбы яго калега ляснік Тадэвуш Стаціна. Тройку лідараў замкнуў ляснік Варнянскага лясніцтва Валерый Масойць (1,72 кілаграма).
Найбольшая рыба трапіла на кручок Тадэвуша Стаціны, а найменшая – Валерыя Масойця.
Акрамя гэтага, аматараў зімовай рыбалкі чакала не зусім прывычнае выпрабаванне – эстафета. На гэтым этапе сілы спрабавалі ўсе ўдзельнікі каманды. Па чарзе рыбакі бурылі лункі, перадаючы эстафету напарнікам. Хутчэй гэта атрымалася ў каманды лесапункта.
Пераможцы атрымалі Дыпломы і падарачныя сертыфікаты ад прафсаюзнай пярвічнай арганізацыі лясгаса.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.