25 снежня ў Астраўцы пройдзе дабрачынны турнір па міні-футболе
Арганізатарамі і ініцыятарамі добрай справы сталі аддзел па фізкультуры, спорту і турызму райвыканкама сумесна з раённай арганізацыяй Чырвонага Крыжа. Дабрачынная акцыя так і называецца “Спартсмены – дзецям!”.
У гэты дзень на стадыёне збяруцца футбалісты з Астравеччыны, плануецца таксама і прыезд каманд-гасцей, каб згуляць некалькі сяброўскіх матчаў па міні-футболе. Аднак не гэта галоўнае. Ля стадыёна будзе размешчана спецыяльная ўрна, куды кожны жадаючы – як ігракі, так і балельшчыкі ці проста прахожыя, змогуць ахвяраваць грошы. На гэтыя сродкі будуць куплены навагоднія падарункі для дзяцей, якія наведваюць аддзяленне дзённага прабывання для інвалідаў.
Такім чынам, хто хоча паўдзельнічаць у акцыі, прыходзьце 25 снежня ў 11.00 на гарадскі стадыён.
Марына МАЦКЕВІЧ.