Ці часта астраўчане чытаюць па-беларуску і чуюць родную мову
09:31 / 04.09.2020
Анастасія Лаўрэцкая, вучаніца:
– На жаль, чытаю па-беларуску толькі ў школе на ўроках літаратуры – па-руску мне прасцей і больш зразумела. Родную мову часта чую ў бабулі, якая жыве ў вёсцы Гаўдзевічы Смаргонскага раёна. Да Міжнароднага дня роднай мовы ў нашай гімназіі ладзяцца розныя акцыі і мерапрыемствы: разам з сяброўкамі з задавальненнем удзельнічаю ў іх.
Віталь Філіпчык, рамеснік:
– Шчыра прызнацца, кнігу даўно не браў у рукі. За працай няма часу на чытанне. Родную мову ведаю і люблю. Па-беларуску чытаю навіны ў «раёнцы» і на сайце «Астравецкай праўды».
Мечыслаў Клінцэвіч, вадзіцель:
– Калі вяртаюся з рэйсаў, на роднай мове чытаю перыёдыку. Жыву я на Ашмяншчыне, таму беларуская мова ў нас дома гучыць пастаянна.
Станіслаў Васілеўскі, пенсіянер:
– Люблю і шмат гадоў выпісваю – напэўна, больш за 30 – «Астравецкую праўду». Падабаецца, што большасць журналістаў пішуць па-беларуску. Газету чытаю з першай да апошняй старонкі. Найбольш мне даспадобы матэрыялы пра лёсы людзей і вёсак, гістарычнае мінулае калгасаў і прадпрыемстваў Астравеччыны.
Віктар Шчасны, барыста:
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
