Першым сярод вадзіцеляў тысячу тон збожжа перавёз Іван Печкур

19:06 / 28.07.2020
Пераможцамі працоўнага прафсаюзнага спаборніцтва сярод камбайнераў і зернесушыльшчыкаў сталі хлебаробы КСУП “Гудагай”. Сёння, 28 ліпеня, вызначыўся пераможца сярод вадзіцеляў, якія працуюць на аўтамабілях з грузападымальнасцю звыш 5 тон, – ім стаў яшчэ адзін працаўнік гэтай гаспадаркі Іван Печкур.

IMG_7647.JPG

Іван Карніла віншуе першага ў раёне вадзіцеля-тысячніка

Хоць у КСУП “Гудагай” мужчына працуе толькі другі год, яго стаж работы ў сельскай гаспадарцы перавысіў 25 гадоў. Да слова, гэта не першая перамога Івана Печкура ў працоўным спаборніцтве: па выніках корманарыхтоўкі ён стаў лепшым вадзіцелем у раёне – МАЗам перавёз 1 421 тону травы.

–Дзякуй вам за вашу нялёгкую працу, – віншуючы з пераможным вынікам вадзіцеля-тысячніка ў раёне, адзначыў першы намеснік старшыні райвыканкама, начальнік упраўлення сельскай гаспадаркі і харчавання Іван Карніла. – Збожжа сёлета ўрадзіла, і з ўпэўненасцю можна казаць, што гэта не апошняя перавезеная вамі тона зерня.

IMG_7649.JPG

Юрый Адула і Іван Печкур

IMG_7658.JPG

Прафсаюзныя берагіні: галоўны бухгалтар райкама прафсаюза работнікаў АПК Марыя Станкевіч і лідар прафсаюзнай пярвічкі КСУП “Гудагай” Ганна Налівайка

Першы вадзіцель-тысячнік прымаў віншаванні, грашовыя прэміі і падарункі ад райкама прафсаюза работнікаў аграпрамысловага комплексу і прафсаюзнай пярвічкі КСУП “Гудагай”.


Алена ГАНУЛІЧ, фота аўтара.

ostrov-red.ganulich@tut.by

Текст: Главный администратор