Рэдакцыя аб’яўляе творчы конкурс

12:13 / 09.06.2020

Творчы конкурс, прысвечаны Казіміру Сваяку і Году малой радзімы, аб’яўляе «Астравецкая праўда».

Сёлета адзначаецца 130-годдзе Канстанціна Стаповіча (Казіміра Сваяка) – святара, паэта, публіцыста, які сваім пакутным жыццём і шматграннай творчасцю праславіў родны край – нашу Астравеччыну. Адметна, што юбілей гэты прыпаў на Год малой радзімы, дзеля якой Казімір Сваяк не шкадаваў сябе.

Каб годна адзначыць гэтыя значныя падзеі, выявіць новыя таленты сярод дзяцей і дарослых і ацаніць здабыткі ўжо вядомых майстроў, рэдакцыя «Астравецкай праўды» аб’яўляе творчы конкурс, прысвечаны 130-годдзю Казіміра Сваяка і Году малой радзімы.

Праводзіцца ён будзе ў двух накірунках: літаратурным і выяўленчым.

У літаратурным пераможцаў вызначаць у дзвюх намінацыях – «Паэзія» і «Проза» (мастацкія і публіцыстычныя творы). Прымаюцца творы, напісаныя на беларускай мове.

У выяўленчым накірунку таксама можна паспрабаваць свае сілы ў намінацыях «Малюнак» (у любой тэхніцы) і «Фотаздымак».

Тэматыка твораў абумоўлена падзеямі, якім прысвечаны конкурс: жыццё і спадчына Казіміра Сваяка, родны край, пажадана – мясціны, дзе жыў і служыў Богу і людзям ксёндз-пакутнік.

Пераможцы ў кожнай з намінацый будуць вызначацца асобна сярод дзяцей (удзельнікі да 16 гадоў) і дарослых.

Колькасць намінацый і конкурсных работ ад аднаго ўдзельніка не абмежаваны.

Работы на конкурс прымаюцца да 1 снежня 2020 года.

Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.

Телеграм-канал «Гродно Медиа Group» – это ежедневные новости районов Гродненской области и города Гродно.