Рэдакцыя аб’яўляе конкурс навагодніх гісторый
Скажыце, з вамі часта здараюцца сюрпрызы? Упэўнены: хоць аднойчы якая-небудзь неспадзяванка – хочацца верыць, што прыемная! – напаткала кожнага. А Новы год і Каляды, як вядома, – самая «сюрпрызная» пара: калі ж, як не ў гэты час цудаў, дарыць іх і атрымліваць!
Плануючы навагодні нумар, мы вырашылі папрасіць нашых чытачоў расказаць пра самыя нечаканыя і прыемныя выпадкі ў іх жыцці, звязаныя з навагоднімі святамі. А калі раптам здараліся непрыемныя – ну што зробіш, без іх жыццё таксама не бывае – раскажыце і пра іх.
Лепшыя гісторыі будуць надрукаваны на старонках «Астравецкай праўды». А аўтары самых, на думку рэдакцыйнага журы, цікавых, атрымаюць дыпломы пераможцаў конкурсу і прызы.
Гісторыі пра навагоднія сюрпрызы дасылайце на электронны ці паштовы адрас рэдакцыі. Чакаем!