Дарослыя і дзеці гулялі ў дзіцячым садку

11:21 / 29.10.2019
567

У дзіцячым садку №3 стала добрай традыцыяй праводзіць спартыўнае свята «Дзіцячы сад і сям’я».

І ў гэты раз мерапрыемства атрымалася вясёлым і па-дзіцячаму непасрэдным. Малышы з задавальненнем адгадвалі крыжаванкі, выконвалі заданні на кемлівасць, узгадвалі правілы бяспекі і ўдзельнічалі ў спаборніцтвах.

IMG-8f5e5390407123589cb4a4978e369433-V.jpg

Дарослыя – работнікі садка і бацькі выхаванцаў – таксама не сядзелі без справы: яны ўспомнілі, як рабіць непрамы масаж сэрца і штучную вентыляцыю лёгкіх, а таксама вучыліся аказваць дапамогу пры траўме рукі. Усе свае навыкі яны дэманстравалі на спецыяльным трэнажоры.

IMG-33fd3d8f90f553c49784222e66365b6c-V.jpg

Мерапрыемства не атрымалася б такім вясёлым без няўрымслівых балельшчыкаў, якія заўзята падтрымлівалі баявы дух сваіх каманд.

Нішто так не аб’ядноўвае, як сумесныя гульні, – і спартыўнае свята яшчэ раз гэта пацвердзіла. Дарослыя і дзеці атрымалі шмат пазітыўных эмоцый і карысных ведаў.

Вольга БАЯРОВІЧ,
загадчык ясляў-сада №3

Текст: Администратор сайта
Оставить комментарий
Текст сообщения*
Защита от автоматических сообщений