Астравецкія баксёры заваявалі «алімпійскую» «бронзу»
09:21 / 27.09.2019
Чэмпіянат свету по боксе сярод мужчын у Екацерынбургу.
На працягу некалькіх дзён аматары гэтага мужнага віду спорту сачылі за выступленнем нашага земляка Віталя Бандарэнкі на такім масштабным спаборніцтве. І майстар спорту міжнароднага класа не падвёў сваіх балельшчыкаў, прадэманстраваўшы выдатную тэхніку бою і вытрымку. У выніку Віталь, у вагавой катэгорыі якога спаборнічала 49 спартсменаў, прайшоў у 1/8 фіналу. Аднак падчас бою з італьянскім сапернікам суддзі аддалі перавагу праціўніку – і наш зямляк завяршыў выступленне.
Хоць Віталь Бандарэнка і не скарыў сусветны п’едэстал, але выхад у 1/8 фіналу чэмпіянату свету – годны вынік. Ганарымся земляком, які для нас – лепшы.
Алімпійскія дні моладзі Беларусі па боксе сярод удзельнікаў 2002-2003 гадоў нараджэння.
У Гомелі, дзе праходзілі спаборніцтвы, сабраліся лепшыя спартсмены з усёй рэспублікі, былі там і прадстаўнікі Астравеччыны.
У выніку Алег Сільвановіч і Артур Цехановіч правялі добрыя баі і заваявалі бронзавыя медалі.
