Репортер выходит в свет: кого со знаменитостей пригласили бы на ужин островчане

10:39 / 02.08.2019
1768
У астраўчан і гасцей горада наш карэспандэнт пацікавіўся, каго са знакамітых лю­дзей яны хацелі б запрасіць на вячэру.

Людміла Кухарэвіч, педагог:

Кухарэвіч.jpg



– Жыццё не аднойчы зводзіла мяне з цікавымі людзьмі. Да сябе на вячэру я запрасіла б нашага земляка, унікальнага чалавека ва ўсіх сэнсах – Адама Мальдзіса ці гісторыка Германа Брэгера. Слухаючы іх мілагучную беларускую мову і расповеды пра гісторыю роднага краю, кожны раз паглыбляюся ў нашу багатую мінуўшчыну. У свой час гэтыя навукоўцы, як і іншыя гісторыкі, даследчыкі, пісьменнікі, былі частымі гасцямі ў школьным гуртку «Варнянская хатка». 

Валянціна Захарэўская, прыбіральшчыца тэрыторыі:

Захарэўская.jpg



– Ого, якое пытанне! Трэба падумаць… (Задумваецца) Павячэрала б, напэўна, з Міхаілам Баярскім – ён імпазантны мужчына, добры артыст і таленавіты спявак. Мне імпануе, што ён усё жыццё пражыў з адной жонкай – не тое, што іншыя артысты. Думаю, што і ў жыцці ён прыстойны і харошы чалавек – на такіх мужчын трэба раўняцца іншым. 

Андрэй Марыянчук, зваршчык:

Марыянчук.jpg



– Я з задавальненнем павячэ­раў бы з Уладзімірам Жырыноўскім – прыкольны ён чалавек і палітык. Не першы год захапляюся футболам, таму сустрэўся б  з прэзідэнтам футбольнага клуба «Шахцёр» Рынатам Ахмета­вым – ён заўсёды ставіць перад камандай высокія мэты, верыць у ігракоў і натхняе іх на перамогу. 

Аліна Бараноўская і Аляксандра Ромаш, вучаніцы

Бараноўская і Ромаш.jpg



Аліна:

– Я хацела б сустрэцца з амерыканскім акцёрам і музыкантам Дзіланам А’Браенам, які набыў папулярнасць дзякуючы бліскучай ігры ў тэлесерыяле «Ваўчаня». За жыццём артыста я сачу ў інтэрнэце: падпісаная на яго акаўнты ў некаторых сацыяльных сетках. Відаць, Дзілан – не толькі таленавіты акцёр, але яшчэ і цудоўны чалавек. Ці добра ведаю я англійскую? Не вельмі… Нават і не падумала, на якой мове будзем стасавацца падчас вячэры. (Усміхаецца).

Аляксандра:

– А я на вячэру запрасіла б Леанарда Дзі Капрыа. На днях пераглядвала «Цітанік» – шэдэўральная кінастужка, у якой геніяльна іграюць акцёры.


А каго з вядомых людзей запрасілі б на вячэру вы? Раскажыце нам у суполках «АП» у сацыяльных сетках. 

Текст: Алёна Ганулич
Фото: Алёна Ганулич
Оставить комментарий
Текст сообщения*
Защита от автоматических сообщений