Газета из семейного архива… А у вас есть такая? Поделитесь!

12:01 / 10.05.2019

Амаль 15 гадоў у астраўчан Самусяў, якія зараз жывуць у Мінску, захоўваецца вось гэты нумар «Астравецкай праўды». Наш тагачасны карэспандэнт Андрэй Дашкевіч «падлавіў» на вуліцы цікавы кадр, які назваў «Веласіпед з каляскай». Здаецца, нічога асаблівага ў гэтым здымку не было – акрамя таго, што ніхто не бачыў: паўтарагадовага хлопчыка Радзівона…

Нядаўна 15-гадовы Радзівон вылажыў здымак з «Астравецкай праўдай» у адной з сацыяльных сетак – і паведаміў усім, што ён ужо вырас – і вылез з каляскі. Ну што тут скажаш? Прыгожы хлопец вырас! Час змясціць у сямейны архіў яшчэ адзін нумар «Астравецкай праўды»!

Радзівон Самусь з «Астравецкай праўдай» 2005 года

АД РЭДАКЦЫІ:

Магчыма, і ў вашых архівах захоўваюцца нумары «Астравецкай праўды», дарагія вам па той ці іншай прычыне. Падзяліцеся з намі вашымі гісторыямі, звязанымі з нашай газетай. А мы найбольш цікавыя раскажам усім чытачам.
Чакаем вашых пісьмаў і фотаздымкаў!