У Астраўцы з’явіўся парк сямейных дрэваў

15:34 / 17.04.2019

Пятнаццаць маладзенькіх клёнаў упрыгожылі тэрыторыю непадалёк ад дома №62 па вуліцы Валадарскага – сёння астраўчане заклалі тут парк сямейных дрэваў.

IMG_3259.jpg

Ідэю пасадзіць сямейныя паркі прапанаваў падчас сустрэчы Прэзідэнта Рэспублікі Беларусь з моладдзю адзін з актывістаў ГА БРСМ – і Аляксандр Лукашэнка падтрымаў цікавую задумку.

Такі парк вырашылі пасадзіць і ў Астраўцы, прысвяціўшы гэту падзею 75-годдзю з дня вызвалення Беларусі і Астравеччыны ад нямецка-фашысцкіх захопнікаў і ўтварэння Гродзенскай вобласці.

IMG_3266.jpg

Далучыцца да карыснай справы раённы камітэт ГА БРСМ запрасіў усіх жадаючых – і астраўчане адгукнуліся на такую прапанову. У прызначаны дзень пасадзіць сваё дрэва прыйшло 15 сем’яў разам са сваімі маленькімі памочнікамі.

– Паўдзельнічаць у такой знакавай падзеі – вялікі гонар, таму мы, не раздумваючы, вырашылі далучыцца да пасадкі парку, – расказала Жанна Лаўрэцкая. – Гэта не проста дрэва, а часцінка нашай сям’і, памяць нашчадкам. Спадзяюся, дзеці, унукі і праўнукі не забудуць пра гэта і будуць прыходзіць сюды ў важныя моманты свайго жыцця.

IMG_3219.jpg

– Сын у нас ужо ёсць, дрэва мы сёння пасадзілі, застаецца толькі пабудаваць дом, – з усмешкай кажа Юлія Глазко. – А сямейны парк стане прыгожай ізюмінкай нашага горада.

Калі дружна працаваць усёй сям’ёй, любая справа ідзе спарней – вуліцу Валадарскага хутка ўпрыгожылі маладзенькія клёны, пасаджаныя райкамам ГА БРСМ і сем’ямі Паўлюкевіч, Глазко, Таль, Алексеявец, Грышко, Драган, Савіцкіх, Лаўрэцкіх, Федаровіч, Комар, Валадзько, Сямашка, Хвасько і Жытковіч.

IMG_3235.jpg

IMG_3199.jpg

IMG_3201.jpg

IMG_3207.jpg

IMG_3214.jpg

IMG_3216.jpg

IMG_3221.jpg

IMG_3225.jpg

IMG_3232.jpg

IMG_3236.jpg

IMG_3241.jpg

IMG_3246.jpg

IMG_3250.jpg


Текст:
Фото: Марина Мацкевич