Ксенія Кусойць – прызёр конкурсу чытальнікаў польскай паэзіі
09:49 / 15.12.2018
Конкурс праводзіўся ў Гродне. Яго ўдзельнікі павінны былі прадэкламаваць два вершаваныя творы або ўрыўкі з твораў Адама Міцкевіча ці вершы пра прыроду.
Ксенія Кусойць скарыла журы: яна так эмацыянальна прачытала зварот-заклік прыроды да чалавека, настолькі яскрава перадала яе боль, што ў гледачоў блішчэлі слёзы на вачах.
– Я вельмі хацела трапіць на гэты конкурс, – прызнаецца Ксенія. – Прыемна, што мяне так ацанілі – я ж займаюся ў гуртку толькі першы год.
Дзяўчынка вывучае польскую мову толькі другі месяц – і яе талент і стараннасць далі такі вынік. Настаўніца расказала, што Ксенія вельмі здольная да вывучэння моў дзяўчынка, ды і працаздольнасці гэтага дзіцяці можна толькі пазайздросціць.
З конкурсу чытальнікаў Ксенія Кусойць прывезла Дыплом ІІІ ступені і падарунак – кнігу на польскай мове.
