Островчане стали одними из лучших в конкурсе фотографий
10:49 / 03.10.2018
Падчас летняй аздараўленчай кампаніі дзецям, што адпачывалі ў летніках, прапанавалі зрабіць фотаздымкі, якія перадавалі б прыгажосць альбо рэгіянальныя адметнасці сваёй радзімы, і паўдзельнічаць у абласным фотаконкурсе.
.jpg "Савёнок Алина (10).jpg")
Фота Савёнак Аліны
– Напэўна, няма больш простага і разам з тым больш яскравага спосабу перадачы светаўспрымання, чым фота, – гаворыць намеснік дырэктара Астравецкага цэнтра творчасці дзяцей і моладзі Вольга Сцефановіч. – Аднак ёсць адна вельмі важная акалічнасць: не заўсёды тое, што табе здаецца прыгожым, атрымаецца такім на здымку альбо будзе прыцягваць увагу так, як па-за аб’ектывам, – тут трэба ўмець убачыць «карцінку».
.jpg "Левковец Евгений(19).jpg")
Фота Яўгена Леўкаўца
Нашы дзеці не толькі ўбачылі гэту карцінку – яны сваімі фотаработамі ўлюбілі ў Астравеччыну журы: чатыры здымкі адзначаны як лепшыя.Дыпломам ІІ ступені за здымак летняга ранку ўзнагароджаны Эдгар Кардзіс з Гервяцкай СШ.
Фота Эдгара Кардзіса
Тры прызавыя месцы ў выхаванцаў профільнага атрада «Вясёлка» Астравецкага ЦТДіМ. Дыплом І ступені атрымала Аліна Савёнак за здымак архітэктурнай жамчужыны Астравеччыны – гервяцкага касцёла Святой Тройцы. За цікавыя пейзажы Кацярыну Пукшту і Яўгена Леўкаўца адзначылі Дыпломамі ІІ ступені.
.jpg "Пукшта Екатерина (16).jpg")
Фота Кацярыны Пукшты
