Вада бурліла, а эмоцыі зашкальвалі (+відэа)
Самай эмацыянальнай зонай святкавання юбілею горада, якая размясцілася на востраве кахання ў цэнтры Астраўца, была інтэрактыўная зона “Вада”.
З першых хвілін яе адкрыцця да новенькіх катамаранаў стаяла чарга – жадаючых пакруціць педалі і паўдзельнічаць у водных спаборніцтвах было шмат.
Не меншую цікавасць, асабліва ў дзетвары, вызвала магчымасць “паруліць” радыёупраўляемым кацерам. За бяспекай не толькі людзей, але і пластыкавых удзельнікаў водных “заездаў”, а таксама правіламі спаборніцтваў у гэты час сачылі работнікі АСВОДа.
Тых, хто вырашыў паўдзельнічаць у вячэрнім масавым запуску паруснікаў, зробленых сваімі рукамі, запрашала “студыя”, дзе праходзілі майстар-класы па іх вырабу. Сустрэнемся на воднай прамой?!