Што пагражае чарнічным “камбайнерам”?

Ягады – гэта не толькі карысны натуральны прадукт, але і магчымасць падзарабіць. Не паспеюць чарнічнікі пакрыцца бліскучымі чорнымі пацеркамі, як жыхары нашага раёна распачынаюць ягадны сезон. Аднак, калі адны збіраюць ягады рукамі, то іншыя, наадварот, кіруюцца прынцыпам “больш і хутчэй” – і “лупяць” камбайнамі ягаднік, не шкадуючы…

– Розныя механічныя прыстасаванні кшталту ручных камбайнаў наносяць непапраўную шкоду чарнічніку і зніжаюць яго ўраджайнасць, – тлумачыць начальнік Астравецкай райінспекцыі прыродных рэсурсаў і навакольнага асяроддзя Анатоль Цэйка. – Праз два гады пасля таго, як па расліне прайшліся такім грабеньчыкам, яна гіне.

За прымяненне забароненых сродкаў ці метадаў збору ягад прадугледжана адміністратыўная адказнасць у адпаведнасці з заканадаўствам.