Кто стал лучшим автором-патриотом

10:19 / 30.01.2018

Юныя астраўчане трапілі ў лік пераможцаў і прызёраў абласнога этапа рэспубліканскага конкурсу сачыненняў, эсэ і вершаў «Мая Беларусь. Мая будучыня», які праводзіць Беларускі рэспубліканскі саюз моладзі сумесна з Беларускай рэспубліканскай піянерскай арганізацыяй.

Конкурс ацэньваўся ў некалькіх намінацыях у трох узроставых катэгорыях. Але галоўнае патрабаванне было адно: раскрыць выбраную тэму і праз свае думкі, мастацкія вобразы расказаць пра любоў да Радзімы.

У астравецкіх удзельнікаў гэта атрымалася добра: работы юных аўтараў былі адзначаны ў ліку лепшых.

Так, Дзіяна Дубіцкая з СШ №2 стала пераможцай у намінацыі сачыненняў і эсэ «Мая Беларусь. Мая будучыня».
У намінацыі «Мой родны кут, як ты мне мілы» вершы Яўгеніі Чаеўскай (Рымдзюнская СШ з літоўскай мовай навучання) і Вадзіма Шаблоўскага (Гудагайская CШ) занялі другое месца. У гэтай жа намінацыі, толькі ў конкурсе прозы, другімі сталі Віана Юркойць (Варнянскі яслі-сад-СШ) і Ксенія Лапуня (Гервяцкая СШ). Данііл Кавалеўскі (Кямелішкаўскі яслі-сад-СШ) заняў трэцяе месца.
А Яўген Данусевіч з Варнянскага ясляў-сада-СШ стаў другім у намінацыі «Мая Радзіма – Беларусь» (проза).

Віншуем таленавітых аўтараў з узнагародамі.