Соломенная коллекция островчанки Елены Малышевой стала победителем областного конкурса
10:38 / 17.11.2016
Сямнаццаць майстроў з 13 раёнаў Гродзенскай вобласці прадставілі свае прыгожыя і арыгінальныя вырабы – усяго ў экспазіцыі было 133 работы. Усе яны ацэньваліся па наступных намінацыях: “Лепшая калекцыя”, “Лепшыя вырабы традыцыйнага саломапляцення”, “Лепшыя мастацкія вырабы з саломкі”, “Лепшы сувенір з саломкі”.
Сапраўдная чараўніца саломапляцення з Астраўца Алена Малышава прадэманстравала на конкурсе 12 работ. Іх арыгінальнасць, прыгажосць і высокая якасць не пакінулі абыякавымі ні членаў журы, ні гледачоў. Дарэчы, звычайныя наведвальнікі выставы таксама мелі магчымасць ацэньваць работы і вызначыць на іх погляд лепшага майстра. Для гэтага яны запісвалі прозвішча аўтара, чые вырабы асабліва ўразілі, на лісток і апускалі яго ў “чароўны кошык”.
У выніку астраўчанка Алена Малышава вярнулася дадому з дыпломам І ступені ў намінацыі “Лепшая калекцыя выставачных работ”, а таксама атрымала прыз глядацкіх сімпатый.
Віншуем таленавітага майстра з заслужанай перамогай!
Святлана Лета, метадыст па аматарскім аб’яднанні.