Будем с хлебом!
09:00 / 29.08.2015
Гарачае летняе сонейка, якое не раз “добрым” словам успаміналі жыхары горада, дало магчымасць працаўнікам сельскай гаспадаркі хутка і якасна завяршыць уборку зерневых і зернебабовых, а ўсім нам упэўнена сказаць: “Будзем з хлебам – і яшчэ з якім!”
Лідары сёлетняй уборкі – Тадэвуш ІванавічЮркойць і Арцём Віктаравіч Бабойць
Па выніках уборкі па стане на 25 жніўня астравецкія жнеяры, якія абмалацілі 98 працэнтаў раённых ніў – а гэта 90 957 тон зерня і зернебабовых, – займаюць 7 месца ў вобласці, дзе абмалочана 99 працэнтаў ніў. Сярэдняя ўраджайнасць па Гродзенскай вобласці складае 51,8 цэнтнера з гектара, па Астравецкім раёне – небывалыя 52,2 цэнтнера з гектара, што на 8,8 цэнтнера больш мінулагодніх 43,4. Да прыкладу, у Смаргонскім раёне, дзе на ўсе 100 працэнтаў справіліся з уборкай, ураджайнасць склала 50,5 цэнтнера з гектара, у Ашмянскім, дзе абмалочана 98 працэнтаў раённых ніў, ураджайнасць 43 цэнтнера з гектара.
У Аляксея Рышардавіча Масейкі і Уладзіміра Іванавіча Мятлеўскага з СВК "Варняны"– другая прыступка раённага спаборніцтваУ лідары раённага жніва па валавым намалоце выйшаў СВК “Варняны” – 25 077 тон, у СВК “Гервяты” намалочана 22 449 тон, СВК “Гудагай” – 17 616 тон, СВК “Міхалішкі” – 13 494 тоны, РУП саўгас “Падольскі”– 12 321 тона. Самую вялікую ўраджайнасць атрымаў таксама СВК “Варняны” – 55,8 цэнтнера з гектара, на другім месцы замацаваўся СВК “Гервяты” – 55,7 цэнтнера з гектара, трэцяе месца ў СВК “Гудагай” – 55,2 цэнтнера з гектара.
Уладзімір Карлавіч Грынцэвіч сёлета перавёз больш за 3,5 тысячы тон збожжа і рапсуАднак уздыхнуць з палёгкай можа толькі СВК “Гудагай”, які на сваіх палях не вырошчваў грэчку, а таму ўжо поўнасцю завяршыў сёлетнюю ўборачную кампанію. Усім астатнім гаспадаркам раёна засталося убраць гэтую культуру са сваіх палёў, і тады яны таксама змогуць перавесці дух.
Фёдар Вацлававіч Кірпа і Уладзімір Тадэвушавіч Гражуль, аператары зернесушылкі з СВК "Варняны"------------------------------------------
Падрыхтавала Вольга Хацяновіч.
