Рэспубліканскі суботнік на Астравеччыне (фота)
Да рэспубліканскага суботніка далучыліся ўсе арганізацыі і прадпрыемствы Астравеччыны.
– Суботнік ужо стаў добрай традыцыяй, – лічыць старшыня райвыканкама Ігар Шалудзін. – Асноўная мэта сёлетняга – навесці парадак, добраўпарадкаваць грамадскія месцы ў горадзе і ў сельскіх населеных пунктах, азеляніць наш раён.
Супрацоўнікі многіх арганізацый і прадпрыемстваў, жыхары вёсак і горада наводзіць парадак на замацаваных за імі тэрыторыях сталі не чакаючы суботы, другія – шчыра і старанна папрацавалі ў суботу.
– Прыемна было далучыцца да кагорты неабыякавых людзей і папрацаваць у суботу на карысць роднай Астравеччыны і краіны ў цэлым, – падзялілася думкамі першы сакратар райкама БРСМ Віялета Алексеявец. – Тым больш у такі дзень, калі даецца адлік 75 дням да 3 ліпеня, калі наша краіна і родны Астравец адзначаць 75-годдзе вызвалення ад нямецка-фашысцкіх захопнікаў.
Нагадваем, месячнік навядзення парадку на зямлі працягваецца. Яшчэ кожны можа далучыцца да яго і зрабіць нашу Астравеччыну яшчэ больш чыстай і прыгожай!