"Астравецкая праўда" стала ближе

Знаёмся, чытач – гэта QR-код “Астравецкай праўды”, з дапамогай якога вы хутка можаце перайсці на наш сайт у інтэрнэце, на якім змяшчаецца шмат інфармацыі, якая не ўвайшла ў газету.

Сёння усё часцей можна ўбачыць карцінкі з таямнічымі чорнымі квадрацікамі на белым фоне ў кутку рэкламнага плаката або афішы, на ўпакоўцы, на старонках газет і часопісаў і нават на візітоўках. Так што ж гэта за знак і для чаго ён патрэбны?

Гэты квадрацік – QR-код (QR code). Абрэвіятура «QR» расшыфроўваецца як «quick response», што ў перакладзе з англійскай – «хуткі водгук». Разумець гэта варта літаральна, бо QR-код уяўляе сабой двухмерны штрых-код, які змяшчае інфармацыю, на якую можна лёгка адгукнуцца, счытаўшы яе пры дапамозе спецыяльнага сканера на вашым мабільным тэлефоне.

Прыдуманы QR-код яшчэ ў 1994 годзе, аднак шырокае распаўсюджванне атрымаў толькі цяпер, калі, дзякуючы тэхнічнаму прагрэсу, павялічыліся магчымасці яго выкарыстання ў паўсядзённым жыцці.

Спадзяёмся, што дзякуючы гэтай навінцы тэхнічнага прагрэсу, наша сяброўства з чытачамі стане яшчэ больш моцным, а стасункі – хуткімі і мабільнымі.