В некоторых учреждениях образования Островецкого района будут новые директора
15:16 / 02.09.2016
Дырэктарам навучальна-педагагічнага комплекса “Варнянскі яслі-сад – сярэдняя школа” прызначана Алена Іванаўна Юркойць. Алена Іванаўна змяніла на гэтай пасадзе Надзею Андрэеўну Субач, якая прысвяціла кіраўніцтву гэтай навучальнай установай 31 год.Алена Іванаўна нарадзілася ў вёсцы Варона Астравецкага раёна. Закончыла Варнянскую сярэднюю школу, Гродзенскае педагагічнае вучылішча, Гродзенскі дзяржаўны ўніверсітэт імя Янкі Купалы.
Педагагічную дзейнасць Алена Іванаўна пачала ў 1992 годзе з пасады выхавальніка Варнянскага дзіцячага сада. Пазней працавала настаўнікам хіміі і біялогіі Варонскай базавай школы, выхавальнікам Варнянскага дзіцячага сацыяльнага прытулку. З 2006 года з’яўлялася намеснікам дырэктара па вучэбнай рабоце Варнянскага НПК.
*****
Новыя дырэктары ў хуткім часе з’явяцца яшчэ ў дзвюх навучальных установах нашага раёна. Абавязкі дырэктара Рымдзюнскай сярэдняй школы з літоўскай мовай навучання выконвае Людміла Міхайлаўна Апановіч, якая да прызначэння на новую пасаду працавала галоўным спецыялістам аддзела адукацыі, спорту і турызму. А былы намеснік дырэктара Варнянскага НПК па вучэбнай рабоце Таццяна Уладзіславаўна Калтан перайшла ў сацыяльна-педагагічны цэнтр і цяпер выконвае абавязкі яго дырэктара.
Алена ЯРАШЭВІЧ.
