В гимназии №1 появилась музейная экспозиция

16:18 / 30.10.2016
1781
1
%d0%bc%d1%83%d0%b7%d0%b5%d0%b9-%d0%b3%d0%b8%d0%bc%d0%bd%d0%b0%d0%b7%d0%b8%d0%b8Гімназія №1, якая ў студзені 2015 года напоўнілася дзіцячымі галасамі, з кожным днём набывае ўтульнасць і новае аблічча. Пустыя фае паступова запаўняюцца жыццём і цікавымі кампазіцыйнымі вугалкамі.

А 1 верасня на трэцім паверсе ва ўрачыстай абстаноўцы з удзелам першага намесніка старшыні Астравецкага райвыканкама Руслана Мікалаевіча Сачко і начальніка ўпраўлен-ня адукацыі Гродзенскага аблвыканкама Аляксандра Генрыхавіча Сонгіна  адбылося адкрыццё музейнай экспа-зіцыі, якая стала пачаткам музейнай дзейнасці ў гэтай навучальнай установе.

У старым будынку гімназіі №1 – сённяшняй сярэдняй школы №2 – застаўся школьны музей імя Іосіфа Гашкевіча, які славіўся багатым зборам матэрыялаў і дакументаў.

%d0%bc%d1%83%d0%b7%d0%b5%d0%b9-%d0%b3%d0%b8%d0%bc%d0%bd%d0%b0%d0%b7%d0%b8%d0%b81– Такое рашэнне было невыпадковым, –  упэўнена намеснік дырэктара па выхаваўчай рабоце гімназіі №1 Вольга Тадэвушаўна Лябецкая. – Музей стваралі некалькі педагогаў, якія першапачаткова мелі дачыненне да сярэдняй школы №2,  і ён павінен быў застацца на сваім месцы.

У новай гімназіі да стварэння музейнай экспазіцыі “Астравец – старажытны і новы” падышлі крэатыўна.

Напрыканцы навучальнага года мы арганізавалі акцыю “Лета на карысць” і прапанавалі школьнікам прайсціся па спецыяльна распрацаваных экскурсійных маршрутах нашага горада, –  працягвае Вольга Тадэвушаўна. –  Вынікам тыднёвага мерапрыемства сталі  сабраныя матэрыялы, якія паступова знаходзяць месца ў нашай  музейнай экспазіцыі.

%d0%bc%d1%83%d0%b7%d0%b5%d0%b9-%d0%b3%d0%b8%d0%bc%d0%bd%d0%b0%d0%b7%d0%b8%d0%b83Каштоўнасць гімназічнай экспазіцыі ў тым, што яе экспанаты можна змяняць хоць кожны дзень – было б жаданне і наяўнасць неабходных матэрыялаў.  Зараз сабраныя звесткі размеркаваны па некалькіх раздзелах. Увага ўдзелена старонкам гісторыі Астраўца, дзейнасці Іосіфа Гашкевіча, выпускнікам, якія пакінулі свой след не толькі ў гісторыі навучальнай установы, але і горада. Экскурсаводы расказваюць пра тое, як жылі нашы продкі  і як на сённяшнім этапе развіваецца Астравец  і новая навучальная ўстанова. Гонарам музейнай экспазіцыі з’яўляецца жалезная  сякера старажытных балтаў, якая,  дзякуючы археолагам,  атрымала новае жыццё, а таксама адноўлены міхалішкаўскі строй.

%d0%bc%d1%83%d0%b7%d0%b5%d0%b9-%d0%b3%d0%b8%d0%bc%d0%bd%d0%b0%d0%b7%d0%b8%d0%b82Канешне, убор выкананы з сучаснай тканіны і аздоб-лены сучаснымі карункамі, але мы пастараліся зрабіць  яго менавіта такім, як у  зафіксаваных звестках, –  расказвае Вольга Тадэвушаўна,  дэманструючы ўбор. – Папулярнай  у  нашым музеі з’яўляецца зменная выстава. Цяпер  на ёй размешчаны вырабы астравецкай майстрыхі Ніны Іосіфаўны Мілаш. Крыху раней цудоўныя вырабы з саломкі прадстаўляла Валянціна Вільеўна Віннічак. План  гэтай выставы распрацаваны на год – штомесяц тут можна будзе ўбачыць штосьці новае і цікавае.

Школьнікі падыходзяць да стэндаў, разглядаюць  выстаў-леныя за шклом экспанаты, штосьці абмяркоўваюць, задаюць экскурсаводам пытанні...

У нас працуюць дзве групы экскурсаводаў – з імі займаюцца настаўнікі Ганна Мар’янаўна Алёхна і Ганна Валер’еўна Лапшэвіч. Увогуле ж стварэнне экспазіцыі – гэта калектыўная работа педагогаў і вучняў: ніхто не застаўся ў баку, кожны прыдачыніўся да нашай гісторыі. І верыцца, што і надалей яна будзе  папаўняцца, –  упэўнена Вольга Тадэвушаўна.

Алена ЯРАШЭВІЧ, фота аўтара.

Комментарии
0
Гость
Молодцы! Вот пример того, что можно реально создавать практически на пустом месте! А у нас еще столько "пустых мест"...
Имя Цитировать 0
Оставить комментарий
Текст сообщения*
Защита от автоматических сообщений