Прыцягненне сямейнага таленту – выстава Тарэсы і Вікторыі Варановіч

14:09 / 29.04.2011
10257
1

У фае кінаканцэртнай залы “Астравец” адкрылася выстава таленавітых мастачак Астравеччыны – маці і дачкі Тэрэсы Іосіфаўны і Вікторыі Варановіч.


Спектр жанраў прадстаўленых работ самы шырокі – тут і партрэты, і нацюрморты, і жанравыя карціны. Але галоўнае месца ў творчасці мастачак займае ўсё ж пейзажны жывапіс. Яны не проста капіруюць хараство роднай прыроды – яе рачулак, азёр, лясоў, залатых ад сонца і спелага калосся палёў, сцяжынак і сцежкаў, але падаюць яго скрозь прызму ўласнага бачання і светаадчування. Таму ў кожнай карціны ёсць душа – трапяткая і моцная адначасова.
Выстава адбываецца пад эгідай Астравецкага музея. Яго дырэктар Алена Клімянок змагла не толькі прыгожа аформіць экспазіцыю, прадумаць сцэнарый, выпусціць упаўне прафесійныя буклеты, але і здзейсніць, здавалася б, немагчымае – сабраць на адкрыцці выставы шмат гледачоў.
Цікава, гэта ў нас спакваля прачынаецца страчаны было інтарэс да жывапісу, класічнай музыкі і г.д.? Ці высокі мастацкі ўзровень Тэрэсы Іосіфаўны і Вікторыі Варановіч прыцягвае да сябе – як магнітам?
Хутчэй за ўсё спрацавалі абодва фактары.


Францішка КРАСКО.
Фота Андрэя ПАМЕЦЬКІ.

Комментарии
0
Гость
Если кому-то посчастливилось общаться с Тересой Иосифовной и Вероникой, тот поймёт, что талантливый человек талантлив в своей многогранности. Тут не только живопись, но и вообще душевная щедрость. Ею светяться не только картины, но и сами художницы. Жалко только, что выставка состоялась в очень трудный для Тересы Иосифовны и Вероники период (смерть мамы и бабушки). Но я думаю, что добрые слова, звучавшие во время открытия и на протяжении выставки, будут своеобразной поддержкой. Вдохновения в творчестве, успехов и здоровья вам, Тереса Иосифовна и Вероника!
Имя Цитировать 0
Оставить комментарий
Текст сообщения*
Защита от автоматических сообщений