Гимназисты стали участниками форума памяти и патриотизма на Смоленщине

Напрыканцы верасня каманда гімназіі ў складзе вучняў 9-10 класаў пад кіраўніцтвам настаўніка фізічнай культуры і здароўя Данііла Сінкевіча прыняла ўдзел у міжнародных мерапрыемствах у Смаленску і Дзеснагорску. У дзяцей было ўсяго тры дні, якія яны правялі ў іншай краіне, а колькі ўражанняў атрымалі!

– У Дзеснагорску напярэдадні 82-й гадавіны вызвалення Смаленшчыны ад нямецка-фашысцкіх захопнікаў адбыўся маштабны Форум памяці і патрыятызму. Трапіць на яго пашчасціла і нашым вучням, – расказала дырэктар гімназіі №1 Жанна Янцэвіч.

– Ганарова, што давялося быць удзельнікам такога мерапрыемства. Урачыстая перадача Вечнага агню, які быў дастаўлены з Паўночнага полюсу, яго злучэнне з агнём мемарыяльнага комплексу “Курган Славы” нікога не пакінула раўнадушным. Вечны агонь нагадвае нам, моладзі, аб тым, што неабходна прыкладваць максімум намаганняў для захавання міру на зямлі, – лічыць дзесяцікласнік Арсеній Філіпаў.

Падчас форуму прайшоў адкрыты культурна-спартыўны фестываль “Атамная энергія спорту”.

– Нашы гімназісты паспяхова паўдзельнічалі ў спаборніцтвах па баскетболе 3х3 сярод школьных каманд гарадоў прысутнасці АЭС. Яны праводзіліся ў межах рэалізацыі праграмы АТ “Канцэрн Росэнергаатам” “Атамная энергія спорту”, каб прыцягнуць моладзь да заняткаў спортам, павысіць індывідуальнае майстэрства маладых баскетбалістаў і ўзровень гульні каманд, – расказала дырэктар гімназіі. – Удзячны Цэнтру сучасных спартыўных тэхналогій і спартыўнаму дырэктару Сяргею Фаміну, дзякуючы падтрымцы якога адбылася гэта паездка.

Астраўчане таксама прынялі ўдзел у культурна-патрыятычных мерапрыемствах у Смаленску, наведалі сквер памяці герояў, дзяржаўны ўніверсітэт спорту.

Фота з архіва гімназіі №1.