Островецкий лесхоз отмечен индивидуальным сертификатом системы FSC
Зараз каманда спецыялістаў (Лясны апякунскі савет) з кампаніі “NEPCon” праводзіць праверку дзейнасці Астравецкай лесагаспадарчай установы на прадмет яе адпаведнасці асноўным міжнародным прынцыпам лесакіравання.
Як паведаміў Аляксандр Зубкевіч, прадстаўнік “NEPCon” у Рэспубліцы Беларусь, гэтая кампанія ўзнікла ў сярэдзіне 90-х гадоў. Асноўныя мэты дзейнасці арганізацыі – папулярызацыя і ўкараненне на практыцы эколагаарыентаванага накірунку і экалагічных
Падыходу у выкарыстанні, захаванні і прымнажэнні ляснога фонду. Прадпрыемствы і арганізацыі нашай краіны да лясной міжнароднай сертыфікацыі прыйшлі ў 2001 годзе. А напачатку 2014 года ўжо каля 70% лесагаспадарчых устаноў рэспублікі мелі групавы або індывідуальны сертыфікат сістэмы Ляснога апякунскага савета (FSC).
Як заўважыў прадстаўнік кампаніі “NEPCon”, сістэма выдачы такога сертыфіката стандартызаваная, а тэрмін яго дзеяння складае 5 гадоў. Аднак кожны год спецыяльная камісія праводзіць праверку сертыфікаванага прадпрыемства на прадмет лесакіравання і яго адпаведнасці асноўным прынцыпам сістэмы FSC. У першую чаргу гэта выкананне сацыяльных стандартаў, захаванне біяразнастайнасці ў лясах, мінімізацыі негатыўнага ўздзеяння лесагаспадарчай вытворчасці на навакольнае асяроддзе, выяўленне, згодна з пэўнымі крытэрыямі, каштоўных участкаў лесу і іх захаванне, інфармацыйная работа з насельніцтвам, а таксама многія іншыя паказчыкі.
Акрамя штогадовага аўдыту прадстаўнікамі Ляснога апякунскага савета, прадпрыемства самастойна праводзіць маніторынг дзейнасці і знаёміць з ім усіх зацікаўленых.
– Вядома, каб атрымаць індывідуальны міжнародны сертыфікат, папярэдне была праведзена вялікая работа. І сертыфікат, безумоўна, павысіць прэстыж нашай установы, – расказвае галоўны ляснічы Астравецкага лясгаса Аляксандр Пятровіч Шостак. – Гэта і больш высокая канкурэнтаздольнасць прадпрыемства на еўрапейскім рынку (еўрапейцы аддаюць перавагу “экалагічнай” прадукцыі – са знакам FSC), і выкарыстанне навейшых тэхналогій у лесагаспадарчай дзейнасці.
Для даведкі:
Кампанія NEPCon (nature, ecology and people consult) ажыццяўляе сертыфікацыю лесакіраваннем прадпрыемстваў і лесагаспадарчых ўстаноў. Лясная сертыфікацыя заснавана на незалежнай ацэнцы лесакіраваннем, якая адбываецца пры дапамозе трэцяга боку, згодна з агульнапрызнанымі стандартамі лесакіравання. Сертыфікат пацвярджае, што лесакіраванне вядзецца збалансавана, у роўнай ступені ўлічваюцца эканамічныя, сацыяльныя і экалагічныя інтарэсы.
Алена ГАНУЛІЧ
Фото с сайта http//letopici.ru