Дажыначная кампазіцыя Дзяніса Ходаса з’явілася каля Дайлідак

12:00 / 19.11.2025

Надышла восень – і на ўскрайку зжатых ніў з’явіліся дажыначныя кампазіцыі, складзеныя з цюкоў саломы ды сена, нібы з гіганцкіх дэталяў канструктара лега. Тут табе і сярэднявечныя палацы, і трактары ды камбайны, і «ехаў дзедка на кірмаш…» – хто на што здатны.

Астравеччына, як заўсёды, пайшла сваім шляхам. Вось ужо які год палеткі нашых гаспадарак упрыгожваюць высокамастацкія работы аўтарства мясцовага мастака Дзяніса Ходаса. Яны прымушаюць імклівыя аўто прытарможваць і спыняцца, каб як след разгледзець карціну на цюках, зафіксаваць яе на камеру ці нават зрабіць фотасесію.

Вось і каля вёскі Дайлідкі (КСУП «Гервяты») з’явілася нядаўна падобная кампазіцыя: руплівая пчолка збірае нектар з кветак. Прыгожа і ў тэму: якраз пра працаўнікоў гаспадаркі, шчырых і працавітых!

Ніна АЛЯКСЕЕВА, фота аўтара.