Маршрутам аўтапрабегу па Астравеччыне: пахаванні часоў Вялікай Айчыннай
10:00 / 22.06.2025
Кемелішкі
Пахаванне 1942 года. Вязняў кемелішкаўскага гета фашысты расстралялі 24 кастрычніка і закапалі ў адной магіле – тут знайшлі апошні супачын больш за паўтысячы мірных жыхароў.
Першы надмагільны помнік устаноўлены ў 1950-х гадах.
Варона
Пахаванне 1944 года. Абеліск устаноўлены ў 1967 годзе. Першапачаткова мемарыяльныя дошкі ўтрымлівалі толькі імёны пахаваных. Пасля рэканструкцыі на помніку з’явіліся і прозвішчы загінулых на вайне жыхароў навакольных вёсак. Мемарыял увекавечвае 75 спачылых на варонскай зямлі і 10 землякоў.
Дайноўка
Пахаванне 1941 года.
Да 2021 года, па словах мясцовых жыхароў, лічылася, што ў магіле целы прыкладна 40 чалавек. Пасля раскопак устаноўлена, што ў пахаванні знаходзяцца астанкі 6-ці забітых мірных жыхароў.
Барані
Брацкая магіла расстраляных яўрэяў
Пахаванне 1941 года. Пасля фашысцкай аблавы 31 снежня непадалёк вёскі Барані было расстраляна 12 мірных жыхароў яўрэйскай нацыянальнасці.
На месцы пахавання ў 2004 годзе ўстаноўлены помнік бязвінным ахвярам.
Жукойні
Першы старшыня Жукойненскага сельсавета як прадстаўнік савецкай улады загінуў ад рук гітлераўцаў у 1941 годзе. Прывязанага да аглобляў, яго да страты прытомнасці цягнулі праз вёску і лес, потым забілі і закапалі.
Першы помнік устанавілі ў 1967 годзе.
Варняны
Пахаванне 1944 года. У магіле целы 27 абаронцаў, устаноўлены імёны толькі 14-ці чалавек. Сярод загінулых – вайскоўцы 8-й гвардзейскай механізаванай брыгады.
Першы абеліск на месцы пахавання ўстаноўлены ў 1954 годзе.
Гудагай
Перапахаванне 1944 года.
Згодна з аднымі крыніцамі, у магіле не менш за 200 загінулых, другія сведчаць, што каля 300. На сёння вядомы імёны 70-ці чалавек.
Першы помнік устаноўлены ў 1954 годзе.
