Правнуки рассказывают о героях Победы: прадед Ксении Радевич в 20 лет стал инвалидом

13:00 / 10.05.2025
Вярнуўся з вайны  інвалідам прадзед Ксеніі Радзевіч.

– Ад бабулі Лілі ведаю, што мой прадзед Казімір Баляслававіч Аўгуль ваяваў з фашыстамі. Ён нарадзіўся ў 1925 годзе ў в. Грэбалы. 

У 19 гадоў пайшоў на фронт здаровым дужым юнаком, а  ўжо ў 20 стаў інвалідам: у сакавіку 1945 года атрымаў цяжкае раненне левай нагі – у выніку яе ампутавалі. Да верасня праляжаў у шпіталі.

Вярнуўшыся дамоў, прадзед ажаніўся, сям’я пераехала ў Варняны. Бабуля расказвала, што ён працаваў майстрам па рамонце абутку. Руплівы вельмі быў, хоць і не меў нагі, па гаспадарцы ўпраўляўся ўмела – шмат хатняй жывёлы трымалі, і бульбакапанне без яго не абыходзілася. Казалі, прадзед быў вельмі добрым, шчырай душы чалавекам і спяваў прыгожа.

Дакументы сведчаць

Казімір Аўгуль прызваны на фронт у лістападзе 1944 года. 

Служыў у 10-м пяхотным палку 9-й стралковай дывізіі.

Узнагароджаны медалём «За перамогу над Германіяй у Вялікай Айчыннай вайне 1941-1945 гг.», ордэнам Айчыннай вайны І ступені.

Пайшоў з жыцця ў 1990 годзе.

Текст: Рита Дремо
Фото: из архива героини