Вера Кацяш з КСУП “Гервяты” атрымала медаль “За працоўныя заслугі”
На ўрачыстай цырымоніі прысваення звання “Чалавек года Гродзеншчыны” наша зямлячка Вера Кацяш атрымала медаль “За працоўныя заслугі”.
Нагадаю, 27 сакавіка Аляксандр Лукашэнка падпісаў Указ аб узнагароджанні медалямі і Падзякамі Прэзідэнта Рэспублікі Беларусь амаль 40 працаўнікоў аграпрамысловага комплексу краіны, у тым ліку і Веры Кацяш.
Без малога 40 гадоў жанчына працуе даглядчыкам на комплексе па дарошчванні і адкорме буйной рагатай жывёлы КСУП “Гервяты”. За гэты час Вера Пятроўна неаднойчы перамагала ў раённым сельскагаспадарчым спаборніцтве і акцыі райкама прафсаюза работнікаў АПК “Наш жывёлавод”.
За шматгадовую плённую працу, значны асабісты ўклад у развіццё аграпрамысловага комплексу, дасягненне высокіх вытворчых паказчыкаў намеснік прэм’ер-міністра Леанід Заяц уручыў Веры Кацяш медаль на абласным свяце.
– Прыемна, што маю работу ацанілі на такім высокім узроўні, – у тэлефоннай размове падзялілася Вера Пятроўна. – Удзячна кіраўніцтву, што выбралі мяне, хоць у нашай гаспадарцы шмат годных людзей.
Віншуем зямлячку з заслужанай узнагародай!