Ветэраны фестывалілі і глядзелі кіно
09:00 / 03.04.2023
Калектыў паказаў тры рознапланавыя музычныя кампазіцыі: патрыятычную «Беларусь мая», гарэзлівую народную «Сонейка ды месяц» і лірычную «Звёздочка тучку задела». Выступілі годна, гледачы падтрымлівалі артыстаў дружнымі апладысментамі. Журы, у складзе якога былі кіраўнік і спецыялісты абласнога ўпраўлення культуры, адзначыла высокае выканаўчае майстэрства калектыву, саліста Васіля Карпяца і дуэта сясцёр Алены і Наталлі Такарчукоў.
Дадому харысты вярталіся з дыпломамі і падарункамі. Арганізатары фестывалю ўручылі грашовыя сертыфікаты старэйшым удзельнікам ветэранскіх творчых аб’яднанняў – тым, каму ўжо за 80 гадоў. Сярод іх – астраўчанкі Наталля Зубенка, Яніна Харашэй і Алена Валюк.
З паспяховым выступленнем на фестывалі ўдзельнікаў народнага хору павіншавала старшыня раённага савета ветэранаў Ірына Шляхтун і ў якасці ўзнагароды ўручыла білеты ў кіно – на прагляд новага расійскага фільма «Нюрнберг».
Кінастужка расказвае пра падзеі канца лета – пачатку восені 1945 года, калі ў гэтым нямецкім горадзе праходзіў міжнародны трыбунал, суд над ваеннымі злачынцамі – вярхушкай фашысцкага камандавання, якая развязала Другую сусветную вайну ў Еўропе і загубіла на франтах і ў канцлагерах мільёны чалавечых жыццяў.
Фільм узрушыў.
Таіса СЯМЁНАВА.