Мітынг памяці і смутку прайшоў у Гервятах

“Песню свою отправляя в полёт, – помните! О тех, кто уже никогда не споёт, – помните!” – гэтыя радкі з верша Роберта Раждзественскага, якія прачытала вучаніца Гервяцкай школы Таня Якубцэвіч, можна лічыць лейтматывам усяго мітынгу-рэквіема, прысвечанага 80-й гадавіне хатынскай трагедыі. Ён адбыўся 22 сакавіка ў аграгарадку Гервяты каля помніка загінулым землякам.

Пра гэта – неабходнасць помніць, каб не дапусціць у далейшым падобнай трагедыі, – гаварылі ў той дзень вучні і настаўнікі, старшыня раённага Савета дэпутатаў Ірына Тальчук і прадстаўнікі грамадскасці.

А сімвалам вечнай памяці і жалобы сталі агеньчыкі лампадак і кветкі, што ўсклалі ўдзельнікі мітынгу да помніка.

Сімфонія жыцця.

Выпадкова ці спецыяльна, але напачатку мітынгу загучалі званы гервяцкага касцёла. І ў тым быў асаблівы знак: трэба памятаць загінулых – і думаць пра жывых.