Вызначаны лепшыя механізатары на вясенне-палявых работах
Старшыня прафсаюзнай пярвічкі саўгаса Людміла Казлоўская, араты Віталь Трыбоцкі і старшыня райкама прафсаюза работнікаў АПК Юрый Адула
На Астравеччыне склалася добрая традыцыя: райкам прафсаюза работнікаў аграпрамысловага комплексу падчас асноўных сельскагаспадарчых кампаній праводзіць спаборніцтва сярод механізатараў. Сталі вядомыя імёны лепшых аграрыяў, занятых на вясенне-палявых работах.
Конкурс прафесійнага майстэрства праводзіўся ў намінацыях “Ворыва”, “Культывацыя”, “ Сяўба збожжавых”, “Пагрузка арганікі”, “Унясенне арганікі”, “ Падсеў траў”, “ Унясенне мінеральных угнаенняў”, “ Сяўба цукровых буракоў”, “ Сяўба кукурузы”. Пакуль не вызначаны пераможцы ў апошніх двух катэгорыях – бо працягваецца сяўба гэтых культур.
З дыпломамі і падарункавымі сертыфікатамі да лепшых хлебаробаў раёна на поле завітаў іх прафсаюзны лідар Юрый Адула. На месцы да яго далучыліся старшыні прафсаюзных пярвічак гаспадарак.
На ворыве не было роўных Віталю Трыбоцкаму з РУП “Астравецкі саўгас “Падольскі”. Да слова, мужчына не першы год годна праходзіць гэты іспыт, дэманструючы лепшы вынік.
Адразу ў двух намінацыях перамог “саўгасны” сямейны тандэм – бацька і сын Жэгарысы. Іосіф Станіслававіч святкаваў перамогу ў намінацыі “Унясенне мінеральных угнаенняў”. Валерый Іосіфавіч стаў лепшым сейбітам. У сярэднім за дзень ён засяваў збожжавымі амаль 40 гектараў і за ўсю пасяўную кампанію прыгарнуў насенне на плошчы 918 гектараў, што складае звыш 96% ад яравога збожжавага кліна гаспадаркі.
Іосіф Жэгарыс, унясенне мінеральных угнаенняў
Сейбіт Валерый Жэгарыс
На падсеве траў найбольш за астатніх папрацаваў Дзмітрый Янковіч з КСУП “Гервяты”, які дарэчы, не ўпершыню засвяціўся ў лідарах вясенне-палявых работ. Яго калега, таксама прызёр прафсаюзнага спаборніцтва ў мінулыя гады, Андрэй Махонька прызнаны лепшым механізатарам на культывацыі. Таксама была адзначана работа Віталіюса Гудойціса, які ўносіць мінеральныя ўгнаенні.
Дзмітрый Янковіч, падсеў траў
Андрэй Махонька, культывацыя
Віталіюс Гудойціс, унясенне мінеральных угнаенняў
На пагрузцы і ўнясенні арганікі найбольшыя аб’ёмы працы выканалі “гудагайскія” аграрыі Уладзімір Шаблавінскі і Дзмітрый Матусевіч адпаведна.
Уладзімір Шаблавінскі і Дзмітрый Матусевіч занятыя на пагрузцы і ўнясенні арганікі
Да ўшанавання лепшых працаўнікоў палёў сёлета далучыўся і райкам грамадскага аб’яднання “Беларускі рэспубліканскі саюз моладзі”. Галоўны спецыяліст Юлія Варковіч уручыла дыпломы і падарункі лепшым маладым механізатарам: “гервятцу” Дзмітрыю Янковічу (падсеў траў), Генадзю Слепіка (унясенне мінеральных угнаенняў), Станіславу Казойцю (культывацыя) з РУП “Астравецкі саўгас “Падольскі” і “гудагайскім” працаўнікам Уладзіміру Шаблавінскаму і Дзмітрыю Матусевічу, якія займаюцца пагрузкай і ўнясеннем арганікі.
Генадзь Слепіка, Юлія Варковіч і Станіслаў Казойць
Кампетэнтна
Юрый Адула, старшыня райкама прафсаюза работнікаў АПК:
– Пры распрацоўцы галіновага спаборніцтва сярод механізатараў мы сталіся ўлічыць як мага больш фактараў і ў апошнія гады адмовіліся ад аб’ёмаў. Пераможцаў вызначаем па выкананай у сярэднім за дзень норме, пры гэтым механізатар павінен адпрацаваць на адпаведным відзе работ не менш за 5 дзён. Прыемна, што ў лік лепшых аграрыяў раёна трапілі пераможцы мінулых гадоў, а таксама з’явіліся новыя імёны і прозвішчы. Практыку правядзення падобнага конкурсу працягнем падчас корманарыхтоўкі.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.