Пра вясеннія клопаты расказалі жыхары Астравеччыны

16:51 / 11.04.2022
764

Ці перашкаджае запозненая вясна гаспадарам папрацаваць на двары, ці дазваляе надвор’е пакорпацца ў зямлі – пра гэта і іншыя сезонныя клопаты карэспандэнт распытаў у жыхароў раёна.

Часлаў Бумбуль:

– Работы хапае! Цяпер вось плот мяняю. Лісты, траву ў двары паграбіў, яблынькі пабяліў. Жонка рассаду памідораў папікіравала, клубніцы апалола – зямлю паварушыла. А так у агарод больш не лезлі – рана яшчэ.

На рабоце парадак пастаянна наводзім на сваёй тэрыторыі – каб заўсёды чысценька, прыгожа было.

Надвор’е, здаецца, і нічога стаіць, пацяплела ўжо. Але дажджу не хапае, паліў бы – і ўсё праснулася б хутчэй, зазелянела б.


Марыя Вярбовіч:

– Цёпла, холадна – я надвор’е для работы не выбіраю: ёсць настрой – і пайшла працаваць. (Смяецца.)

Вясеннія клопаты ў мяне распачаліся даўно. Дарэчы, радыс ужо свой ядзім – яшчэ ў лютым пасеяла ў парніку пад спанбонд. На падваконні чакае свайго часу рассада памідораў, перцаў, кветак.

Каля хаты паграбілі, дрэвы і кусты апрацавалі медным купарвасам. А вось у клумбы пакуль не лезла – ранавата. У бацькі, які жыве ў Дравяніках, заўсёды клопату хапае – ездзім яму дапамагаць.


Ганна Садоўская:

– З надыходам вясны – пачаліся і новыя клопаты: дрэвы абрэзаць, гіпсавыя фігуркі расставіць па месцах, штучны вадаёмчык пачысціць, траву паграбіць, прагледзець, кветкі ці не вымерзлі, – участак у мяне 20 сотак, і большую яго палову займаюць кветкі.

Салату і радыс ужо пасеяла ў парнічок.


Эдуард Кузьміцкі:

– Вясна прыйшла – вясне дарогу! (Смяецца.) Пытаеце, ці распачалі вясеннія работы? А як жа! Ды і надвор’е дае папрацаваць. Вось і на рабочым месцы наводзім парадак: у Трокеніцкай бібліятэкі-клуба ёсць свая тэрыторыя – з калегамі лісце, прыбіраем, словам, наводзім прыгажосць вакол сябе. Надвор’е больш-менш усталявалася – так што ў хаце і не выседзеш, каб на дварэ не пашчыраваць.

Ля дома ўжо ўсё спарадкавалі, шмат чаго пасадзілі. Агародамі – што, у які час і дзе пасеяць – у мяне жонка займаецца. (Усміхаецца.)

Алена Кяжун (без фота):

– Добрае надвор’е ўсталявалася, хоць і халаднавата, – але спраў хапае, толькі працуй на двары, было б жаданне.

На сваім участку кусты паабстрыгалі, дрэвы пабялілі… Рассаду яшчэ на падваконнях трымаю – цяпла няма, каб у зямлю выносіць. Вокны вымыла.

Бацькам маім ля хаты дапамаглі: з дзецьмі тэрыторыю “падсвяжылі”, дровы паскладвалі.

На рабоце таксама суботнік ужо ўстроілі: на тэрыторыі парадкі наводзім.

Хочацца, каб да святаў (Вербнай нядзелі і Вялікадня. – Заўв. аўт.) усюды чысценька, акуратна было.


Подписывайтесь на «Островецкую правду» в телеграм по короткой ссылке https://t.me/ostrovetsby.

И присоединяйтесь к нашему сообществу в viber https://vk.cc/c3yHGs – будьте всегда в курсе свежих новостей из жизни Островца и Островецкого района.

 

Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.

Телеграм-канал «Гродно Медиа Group» – это ежедневные новости районов Гродненской области и города Гродно.

 

Подписывайтесь на телеграм-канал «Северный вектор Гродненщины» по короткой ссылке https://t.me/severvg.

Самые интересные новости Островецкого, Ошмянского и Сморгонского районов.



Текст: Рита Дремо
Фото: Ярослава Ладейщикова
Оставить комментарий
Текст сообщения*
Защита от автоматических сообщений