Святы і памятныя даты 2-8 красавіка

11:03 / 03.04.2022
387
СЁЛЕТА СПАЎНЯЕЦЦА

560 гадоў (1462) з часу, калі Марыяна Сангайла фундавала ў Варнянах будаўніцтва драўляных касцёла і плябаніі.

520 гадоў (1502) з часу першага пісьмовага ўспаміну пра маёнтак Ясень, уласнасць Алёны Андрэеўны Даўгірдаўны.

95 гадоў (1927) таму ў Малях у доме Вікенція Іванавіча Анімуцкага была адкрыта пачатковая школа.

35 гадоў (1987) з часу, калі Астравецкая ПМК-88 была рэарганізавана ў МПМК-158. Гэтая будаўнічая арганізацыя ўзвяла ў раёне тысячы квадратных метраў жылля, большасць аб'ектаў прамысловай і сацыяльнай інфраструктуры. У апошні час спыніла сваю дзейнасць.

СЁЛЕТА АДЗНАЧАЕЦЦА


125 гадоў (1897) з дня нараджэння Аляксандра Паўлавіча Сільмановіча, рэвалюцыянера, удзельніка Грамадзянскай вайны.

Нарадзіўся ў в. Жукойні Жалядскія. Член Камуністычнай партыі з 1917 года. Удзельнічаў у штурме Зімняга палаца ў Петраградзе. Удзельнік Грамадзянскай вайны. Пасля дэмабілізацыі працаваў на кіруючых пасадах у Новасібірску і Растоўскай вобласці Расіі. У 1937 годзе скончыў сельскагаспадарчую акадэмію імя Ціміразева ў Маскве, працаваў дырэктарам розных саўгасаў. 

Святы і памятныя даты

2 красавіка
Дзень яднання народаў Беларусі і Расіі (дзяржаўнае свята)
Міжнародны дзень дзіцячай кнігі (міжнароднае свята)

3 красавіка
Дзень геолага (прафесійнае свята)
Дзень нараджэння мабільнага тэлефона

4 красавіка 
Дзень інтэрнэту (міжнароднае свята)

7 красавіка
Дабравешчанне (праваслаўнае рэлігійнае свята)
Сусветны дзень здароўя

8 красавіка
Дзень супрацоўнікаў ваенных камі­са­рыятаў (прафесійнае свята)
Міжнародны дзень цыганоў

Падрыхтавалі  Ніна РЫБІК, Рыта ДРЭМА.


Оставить комментарий
Текст сообщения*
Защита от автоматических сообщений